PLP Sujere Governu Kansela Sesta Bázika no Kria Investimentu Negósiu

Deputadu Bankada PLP, Sabino Guntur iha Plenaria PN Deputadu Bankada PLP, Sabino Guntur iha Plenaria PN Foto File

Tempotimor (Dili)- Deputadu bankada Partidu Libertasun Popular (PLP) iha Parlamentu Nasionál (PN) Sabino Soares 'Guntur' sujere ba governu daualu diak liu kansela programa sesta bazika, atu nune'e kria fali investimentu negosiu iha sosiedade hodi hatama retornu ba kofre estadu.

Deputadu Guntur ko’alia ne'e tanba nia hare katak, sesta bazika ne'ebe governu inisia dadauk ne'e sei la fo retornu ba kofre estadu, maibe ida ne'e so gasta deit fundu minarai.

Nia hatutan, dalaruma iha implementasun sesta bazika ne'e mosu diskriminasaun oioin, tanba komunidade la aseita no sunu sasan ne'ebe governu atu oferese ba sira.

Ne'e duni nia dehan, buat hirak ne'ebe komunidade halo no rezeita sesta bazika ida ne'e nudar kritika ida ba governu atu hadia sistema sesta bazika ne'e, katak, oinsa mak bele halo investimentu deit.

Nia konsidera investimetuu ne'e faze ida importante ba estadu hodi inisia, oinsa fo retornu ba kofre estadu.

"Ladun dignu ba ita nia sosiedade, tanba ne'e mak sira la satisfas, no asaun sira ne'ebe mak sosiedade sira halo ne'e nu’udar kritika ida ba governu atu bele hadia sistema baziku ne'e,"Guntur deklara iha Parlamentu Nasional, Tersa (1/12).

Kona-ba kestaun sesta bazika ne'e nia haktuir, ida ne'e uluk kedas sei iha diskusun iha PN, Guntur rasik fo ona alarma ba govetnu katak, sesta bazika ne'e iha parte ida bele mos fo prejuizu ba despeza estadu nian.

Nia ko’alia ne'e tanba realidade sosiedade sira iha TL seiduk iha ida mak hamlaha no daudaun sira sei moris normal hela, maibe governu ladun analiza hodi aplika fila fali medida sesta bazika ne'e.

Deklarasaun estadu lakon osan, tanba nia fo ezemplu hanesan polemika informasaun ne'ebe daudaun espalla hela katak, sesta bazika ne'e kompañia sira importa deit husi Atambua no Kupan maka lori tama mai hodi fahe.

Nia konsidera se karik informasaun sira ne'e mak kuandu sai realidade, ne'e problema boot ba rekursu TL.(*)

 

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks