"Aktu ida ne'ebé dalaruma bele dehan espresaun ba situasaun ne'ebé populasun la simu", Deputadu Duarte Nunes hato’o lia hirak ne’e iha Parlamentu Nasionál (PN) Tersa (1/12).

Nia hatutan, dalaruma, buat ne'ebé sira promete kona-ba osan $25 ne'e, ema hotu hatene no halo konta ohin loron, $25 ne'e depois se sira hola produtu lokal, ema sira iha ne'eba mos hatene produtu ne'e nia folin, entaun dalaruma ladun iha transparansia ne'e halo tanba sira la sente satifeitu ba buat ne'ebé sira promete atu fó.

Kona-ba preokupasaun hirak ne'e, nia parte mos sei lembra, depois mosu akontesimentu barak-barak, hanesan, kareta baku fila buat sira ne'e hotu, maibe ho situasaun ne'e membru governu sira mos halo kon-kali-kon hodi aproveita buka perdiem.

Tanba ne'e nia dehan, iha oportunidade ne'e maka sei halakon ema nia diretu husi osan $25, tanba osan ne'ebé atu halo ida ne'e fó barak liu ba membru governu ba perdien, inklui konvustivel ba transporte.

Nia husu governu tenke rekoiñese tanba iha buat balun iha governu inventa no koko atu bosok povu.

Nia mós nota katak, maski primeira ves ida ne'e akontese, maibé iha buat balun ne'ebé ba ho intensaun diak bele promove produtu lokal, depois fo benifisiu ba ema ida ne'ebé hetan, pratikamente bele motiva benifisiariu oinsa atu aumenta sira nia produsaun.

Maibé, nia konsidera, iha programa sesta bazika ne'e governu manipula no tenta atu bosok povu, tanba produtu loka ne'ebe governu fahe ne'e la to'o ne'e.

"produtu lokal ne'e la to'o, ne'e realidade, ida ne'e ita labele inventa ita labele bosok, ne'e la to'o ne'e,"kestiona nia.

Atu rezolve kestaun ne'e, Nia fo hanoin governu muda sistema ida ne'e, oinsa kansela tiha deit sesta bazika nune'e osan $25 ne'e entrega ba populasun sira mak hodi ba sosal rasik sira nia hahan.

"se ita dehan fo prdutu lokal, maibe tanba depois nia hare produtu ida ne'e produtu ida ne'ebe ke inportadu ne'e ita atu dehan hanusa, ne'ebe tenke fo, ne'e hanesan promesa ne'ebe governu halo ona, bele mantein, pois muda sistema," nia dehan.(*)