Login to your account

Username *
Password *
Remember Me

Embaixadora Inés sei Lori Timoroan Barakliu tan Tuir Treinamentu iha Austrália

Embaixadora Inês no delegasaun halao viajen ba Caboolture hodi hasoru malu ho trabalhador seasonal Workers Programme (SWP), Outobru 2020. Embaixadora Inês no delegasaun halao viajen ba Caboolture hodi hasoru malu ho trabalhador seasonal Workers Programme (SWP), Outobru 2020. Foto Pajina FB Embaixada

Tempotimor (Dili)- Embaixadora Timor Leste (TL) iha Austrália Inés de Almeida oras ne’e servisu makaas hela atu halo lobi ho governu Australianu atu oinsa mak lori timoroan barakliu tan ba Austrália la’ós de’it ba servisu iha Programa Seasonal Worker (SWP) maibé tuir mós treinamentu hodi aumenta programa semi skill.

“Ha’u nia servisu agora, ha’u sempre ko’alia ho toos na’in sira. Ami ko’alia ho ema sira ne’ebé mak toman konta ho alin sira ne’ebé mak atu mai ne’e, ami hakarak atu aumenta tan númeru atu bele mai servisu iha ne’e”, Inés de Almeida hateten ba www.tempotimor .com via telefónika, Segunda (30/11).

Nia dehan, la’ós de’it traballadór sira ne’ebé ba iha toos ne’e maibé hakarak aumneta programa semi skill hanesan ba administrasaun, bele mós treinu vokasionál, ba mós hotelaria, manajementu no seluk tan.

“Entaun ita sei hare oinsa mak ita aumenta tanba programa ida ne’e bele hetan visa entre tinan rua to’o tinan tolu”, nia hateten.
Oras ne’e embaixada halo hela lobi, tanba simpatia ba Timor Leste iha barak, tanba australaianu sira iha sentimentu makaas ba Timor.

“Tanba ne’e ita sei hakaas aan atu lori timoroan sira mai iha ne’e atu simu mós treinamentu, nune’e aban bainrua sira bele fila fali ba, bele ajuda dezenvolvimentu iha ita nia rain”, nia promete. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter