"Razaun laiha provas, Ministéiru Públiku la prova," Manuel Tilman dehan iha TDD Bebora Dili, Segunda (30/11).
Ho situasaun ne’e Tilman lakohi halo komentáriu barak kona-ba estatutu Prezidenti ANC tanba nia parte hare de’it ba parte jurídiku no konsidera partidu politiku barak halo politika sai namdoras.
Tilman haktuir, ANC hanesan instituisaun públiku no iha konsellu admistrasaun rasik, inklui desizaun balun mós bazeia ba polítika.
"Ida ne'e konsellu admistrasaun mak sei deside tanba iha ne'ebá (ANC) ne'e institutu publiku ida, iha mos razaun politika iha laran, partidu bar-barak, ha’u labele ko’alia barak kona-ba ida ne'e. Ne'e duni, ita halo de’it iha parte juridiku nian, politika ne'e buat ida namdoras," Tilman hateten iha TDD Bebora Dili, Segunda (30/11).
Entretantu Ministériu Públiku (MP) akuza arguidu JOF ho krimi lima hanesan Admistrasaun danosa artigu 274, burla imformatika ne’ebé previstu no punidu iha artigu 268, Korupsaun pasiva artigu 292 no krimi fraude fiskál ne'ebé previstu iha artigu 314 ne'ebé husi krime lima refere hotuhotu previstu iha kódigu penal Timor Leste.
Antes ne'e, Polisia nasional Timor leste PNSIK halo buska ba edifisiu ANC no uma privadu hodi detein Prezidenti JOF inklui rekoilla informasaun, dadus seluk no prende kareta marka terios ida tanba deskonfia involve iha kazu internet ilegal, Kinta (26/11).(*)
PUBLISIDADE
