Print this page

Proklamasaun Independénsia ba dala-45, PM Taur Fó Parabens ba Povu TL

By November 27, 2020 828
PM Taur Matan Ruak ko'alia ba Jornalista sira iha Palasiu Prezidensial (26/11) PM Taur Matan Ruak ko'alia ba Jornalista sira iha Palasiu Prezidensial (26/11) Foto Midia PR

Tempotimor (Dili)- Primeiru Ministru (PM) Taur Matan Ruak fó parabens ba povu Timor-Leste (TL) ne’ebé sei selebra loron proklamasaun independénsia ba dala-45 iha 28 novembru tinan ne’e.

Xefe governu espresa lia hirak ne’e iha Palásiu Prezidensiál Bairru-pite, hafoin hala’o enkotru semanál ho Prezidente Repúblika (PR) Francisco Guterres Lú Olo.

“Ha’u hakarak aproveita oportunidade ne’e fó parabens ba povu Timor Lorosa’e, ba konskista ida ne’e, nó fó saudasaun espesiál liu ba familia hotu ne’ebé lakon sira-nia oan para ohin loron ita moris no ita sai nasaun ida ne’ebé ukun rasik-aan,” PM Taur hateten iha Palásiu Prezidensiál, Kinta(26/11).

Iha fatin ketak, Xefe Estadu Maiór Jenerál F-FDTL, Maijór Jenerál Lere Anan Timur felisita povu no lider Fretilin ne’ebé konsege halo Proklamasaun Independénsia Timor-Leste nian iha 1975.

“Parabens ba ita-nia povu no parabens ba ita-ia lider Fretilin ne’ebé proklama independénsia unilaterál, depois ukun-aan ita restaura ita-nia independénsia iha 20 Maiu 2002,” Lere fó parabens.

Entretantu, TL liuhusi nia lideransa sira iha 1975 ne’ebé inisia husi Fretilin ka Frente ampla ne’ebé konsege tama iha povu Timor Lorosa’e hodi restaura independénsia unilaterál ba TL, iha 28 Novembru 1975.

Depois ida ne’e iha 30 Agostu 1999, povu TL konsege deside nia auto determinasaun ne’ebé iha 20 Maiu 2002 restaura nia independénsia katak TL sai nasaun soberanu ida iha nasaun sira seluk nia leet.(*)

 

PUBLISIDADE

Rate this item
(0 votes)
Last modified on Friday, 27 November 2020 22:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items