Inocêncio Xavier ko’alia ne'e tanba nia hare katak, laiha pratika, kuandu membru governu ba hala'o fila fali servisu ne'ebé tuir lolos administradór sira nian, hatudu katak, membru governu ba rame-rame iha terenu, atu gasta de’it osan povu nian.

Kona-ba solusaun atu destribui sesta bázika ne'e nia fó hanoin katak, diak liu governu entrega kompeténsia ne'e ba autoridade munisipiu no postu hodi koordena malu ho xefi suku no xefi aldeia depois bele halo serbisu ida ne'e.

"Hanesan ita rame-rame gasta osan Covid-19 de’it, Ministru Simu $80, diretor sira simu $60, funsuionariu sira simu $40, ida ne'e, povu simu $25. Pior liu maka $25 la to'o, ida ne'e diskriminasaun," Inocêncio Xavier hateten ba jornalista www.tempotimor.com iha nia knaar fatin Faról, Kinta (26/11).

Nia alerta katak, iha planu ne'e presiza evita membru governu sira nia partisipasaun, nune'e bele redús ka hasai kustu sira relvante ho viajen inklui perdiem.

"Atu nune'e kustu ida ne'e bele investe ba iha funsionáriu sira iha munisipiu, bele ko’a no redús viajen ne'e," nia sujera.

Nia mós lembra intervensaun husi Prezidente Parlamentu Nasionál iha ámbitu debate orsamentu Covid-19 inklui aprezentsaun orsamentu privativu Parlamentár, Aniceto Guterres hateten katak, agora membru governu sira tenke kesi metin sintu.

Nia konsidera intervesun kesi metin sintu ne'e hatudu signifikadu katak, atu manifesta ba governante sira hodi kuidadu bainhira ezukuta osan povu nian labele ba ida mal gastu ne'e.

"Ha’u hare membru governu sira ba lori ninia asesór, funsionáriu, motorista, hotu hotu ba hanesan gasta osan rame-rame deit," Inocêncio kestiona.(*)

PUBLISIDADE