Print this page

Bankada FRETILIN mós Preokupa ho Dadus Uma-Kain Governu Anteriór

By November 26, 2020 543
Deputadu bankada FRETILIN Francisco Miranda Branco iha Plenaria PN Deputadu bankada FRETILIN Francisco Miranda Branco iha Plenaria PN Foto File

Tempotimor (Dili)- Prezidente Bankada Fretilin iha Parlamentu Nasional (PN) Francisco Miranda Branco mós preokupa ho dadus uma-kain ne’ebé governu anterior husik hela, prezudika governu atual hodi implementa programa sesta bázika.

Branco hateten, polémika kona-ba presu produtu iha sesta bazika ne'ebé la to'o $25, ida ne'e nia hun loloos mak dadus millaun 1.3 ne'ebé rekolla husi governu anteriór.

Nia ko’alia ne'e tanba hare katak, dadus ne'ebé VIII governu aprova atu hetan sesta bazika ne'e mak hamutuk milaun 1.3, maibé ikus governu halo identifikasaun dadus ne'e iha aumentu makas to'o millaun 1.5.

Hare ba dadus uma-kain ne'ebé aumenta ba millaun 1.5, nia hateten, ida ne'e mak sai nu’udár preokupasaun ba governu atu hamosu mudansa, tanba ema hirak ne'e iha diretu atu asesu ba sesta bázika.

Ne'e duni, politika ba direitu ida ne'e, daudaun ne’e governu hamosu ona politika ida, katak, presiza halo mudansa no redus osan ba kada uma-kain husi $25 hatun ba $15.

"Kestaun ne'e mak ita fila fali ba dadus deit, tanba dadus aumenta, primeiru ne'e millaun 1.3 uma-kain, mas agora aumenta ba millaun 1.5, entaun governu tenke preve situasaun ida ne'e," nia hatete ba jornalista www.tempotimor.com iha Parlamentu Nasionál kuarta (25/11).(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items