CNRT Ejize MP “Aselera” Prosesu Justisa ba Ró Haksolok

Ro Haksolok  para iha tasi Portugal nian Ro Haksolok para iha tasi Portugal nian Foto ZEESM

Tempotimot (Dili)- Bankada opozisun Congresso Nacional Recontrução Timorense (CNRT) iha Parlamentu Nasional (PN) ejize ba Ministériu Públiku (MP) atu fó sai ba públiku, bainhira mak bele avansa ho kazu eskándalu akizasaun ferry haksolok ne'e ba tribunál.

Deputadu CNRT Ricardo Baptista ejize ne'e, tanba hare auditoria husi Camara de Contas iha 2018 nian, deskobre katak, ferry haksolok iha hela indisiu kriminal nia laran, tanba ne’e mak nia husu katak, razaun saida mak Ministériu Públiku la aselera lalais kazu ida ne'e.

"Bankada CNRT hakarak hatene bainhira mak Ministériu Públiku atu avansa ho eskándalu akizisaun ferry Haksolok ne'e ba Tribunal, tanba Camara de Kontas nia auditoria iha 2018 deskobre ona Indisiu krime ba ferry Haksolok," nia hateten liu husi konferénsia imprensa iha PN, kuarta (25/11).

Nia mós hatutan, ho Ferry Haksolok ne'ebé iha hela prosesu investigasaun, Ministériu Públiku nia liman maka bankada CNRT husu labele bo'ok, inklui labele aumeta tán osan atu ba selu tan.

Bankada CNRT Husu mós ba Cámara de Contas no Ministériu Públiku atu obriga autoridade RAEOA-ZEESM hatudu Konta Bankária ba osan miliaun $17.4 ne'ebé Autoridade rai iha Banku Komersiál ne’ebé no seidauk hetan auditória.

Nia ko’alia ne'e tanba publiku tomak ohin loron hakarak hatene osan ne'e nia jurus ka funan hahú husi osan ne'e depozita iha Banku to'o ohin loron, inklui miliaun $35 iha Fundu Ekonomia Dezenvolvimentu (FED) ne'ebé kapitalizadu ona.

Bankada CNRT husu nafatin ba Ministériu Publiku atu hatene prosesu sosa USB ida ho folin $450 ne'e la'o to'o ona iha ne'ebé, tanha bankada CNRT fiar katak Ministériu Pübliku iha kapasidade atu investiga eskandálu USB Karun liu iha mundu ne'e ho fásil, púbiku presiza hatene prosesu ne'e to'o iha ne'ebé no la'o oinsá ona.

Bankada CNRT ezije mos ba Governu de Faktu Inkonstitusionál atu labele aproveita Asaltu Padér ne'e atu salva Mari Alkatiri ba osan Milliaun $17 resin ne'ebé mout ona iha Tasi Portugál nian.

Bankada CNRT husu ba Ministériu Públiku atu halo servisu imparstál no aplika doutrina katak ema hotu hanesan iha Lei nia oin.

Labele halo favoritizmu ba Mari Alkatiri no individu sira seluk ne'ebé halo abuzu de uzu ba povu nia osan iha RAEOA-ZEESM.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter