"Ha’u espera 28 ne'e laiha udan para selebrasaun bele la’o ho diak," Miguel dehan ba jornalista iha Palásiu guvernu Dili, Kuarta (25/11).
Miguel Perreira de Carvalho informa katak, preparasaun ba selebrasaun ne’e atinji ona pursentu 90 no daudaun ne'e mós realiza ona atividade sira hanesan desportu no feira nasional.
Faze preparasaun refere, daudaun ne'e halo hela ensaiu ba isar Bandeira no hatun bandeira nasionál inklui preparasaun misa ne'ebé sei realiza iha Likisa iha loron 27 novembru.
Ministru ne'e mós apela ba publiku atu partisipa ativu iha selebrasaun 28 novembru liu husi maneira isar bandeira iha idaidak nia uma, nune'e mos komunidade iha Likisa atu bele partisipa ativu liuliu iha serimonia isar bandeira inklui divertementu sira hanesan konsertu muzikal ne'ebé sei hala’o iha kalan 28 novembru (*).