Rede Feto "La Tolera" Violénsia Hasoru Feto TL


Tempotimor (Dili)- Organizasaun Rede Feto Timor-Leste realiza kampaña ativízmu ida hodi kontra violénsia hasoru feto no labarik feto ne'ebé ho nia tema, "Hapara Violénsia! Respeita Direitu Umanu! Respeita Ema Nia Liberdade".

Prezidente Diretorial Rede Feto, Yasinta Luzinha informa, liuhusi kampaña ne'e, atu hatudu ba públiku bele hamutuk respeita ema nia direitu no liberdade ema ida-idak nian, promove dame, paz no armonia iha sosiedade no sei la tolera tan aktus violénsia sira iha TL liu-liu hasoru feto.

"Rede Feto kondena tebes aktus hirak ne'e no la tolera atu iha tan violénsia hasoru feto no labarik feto no grupus vulneraveis sira", Yasinta Lujinha hateten liuhusi karta komunikadu ne'ebé www.tempotimor.com asesu iha kuarta, (25/11).

Tuir nia, durante ne'e, feto vulnerável, ema ho difisiénsia no LGBTI sira mak sempre sai nu'udár alvu ba violénsia.

Nia hatutan, Rede Feto mós preokupa ho jerasaun sira tuir mai ne'ebé presiza tebes atu iha ezemplu ka referénsia di'ak atu lori jerasaun tuir mai sai ema ne'ebé domin na'in, responsável no autór ba dame hodi lori rai TL ba dezenvolvimentu sustentável.

Nia dehan, situasaun iha TL ohin loron nakonu ho violénsia ne'ebé hasai ema seluk nia vida no hakanek ema seluk hodi fó impaktu ba sosiedade ninia moris ne'ebé la hakmatek.

"Violénsia nu'udár aktus kríme ne'ebé la lori individu no povu timor-leste ba dezenvolvimentu, violénsia nu'udár aktus ne'ebé hamate ema nia direitu atu moris iha paz no liberdade iha nia rain rasik", nia dehan.
Kampaña ativízmu kontra violénsia hasoru feto no labarik feto ne'e, sei hala'o durante loron 16, hahú husi loron 25 fulan novembru to'o loron 10 fulan dezembru 2020.

Entretantu, atividade Long March ne'e partisipa husi estudantes universitárius, organizasaun juventude, organizasaun feto, organizasoens internasionais, nasionais, Feto no Mane Ativísta, jovens husi sukus, líderes lokais, reliziójus, ema ho difisiénsia, média no komunidade iha Comoro.

Atividade Long March ne'e anima ho Druam Band husi estudante eskola Săo Pedro, koolabora ho PNTL, autoridade lokál sira hamutuk konsentra iha Rotunda Nicolau Lobato hodi marxa ba to'o iha estatua Joăo Paulo II hodi kontinua halo palestra ba asuntu kontra violénsia kontra feto. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks