Print this page

Alkatiri Husu Labele Politiza Xanana Nia Moras

By November 25, 2020 3502
Dr sira halo hela tratamentu ba Prezidente CNRT, Kay Rala Xanana Gusmao Dr sira halo hela tratamentu ba Prezidente CNRT, Kay Rala Xanana Gusmao Foto Tempo Timor

Tempotimor (Dili)-Liga ba lider Karizmátiku Kayrala Xanana Gusmão ne’ebé ba hala’o tratamentu saudé iha Indonézia ne’ebé atende diretamente husi Ministru Saudé Indonézia nian Jenerál doutór Terawan Agus Putranto, maka Marí Alkatiri husi polítiku sira labele halo politizasaun ba Xanana nia moras.

Sekretáriu Jerál Fretilin ne’e alerta lia hirak ne’e ba estudante sira iha salaun Istitute of Business (IOB) iha Fomentu liuhusi semináriu nasionál kona-ba Proklamasaun Independénsia 28 Novembru 1975.

“Balun komesa kestina, tanba saida mak Ministru Saúde mak trata fali Xanana, ha’u dehan lae’ uluk nia seidauk ministru mós, nia mak trata Xanana, tanba ha’u hatene, entaun ha’u dehan ba kamarada sira balun katak, molok imi ko’alia, imi tenke buka hatene molok ko’alia,” dehan Marí Alkatiri, Tersa (24/11).

Marí mós dehan, ministru saúde Indonézia nian ne’ebé dadaun ne’e halo atendimentu ba lidér karizmátiku Kayrala Xanana Gusmão ne’e la’ós ema foun.

“Uluk nia ba halo tratamentu iha ne’ebá duni, doutór ida agora sai ona ministru ne’e mak atende nia, entaun nia ba fali doutór ne’e mak ba trata nian, ne’ebé lalika politiza buat ne’e, nia (Xanana) moras la’ós para ita ba politiza,” nia dehan.

Entretantu eis Prezidente Repúblika Kayrala Xanana Gusmão ba hala’o tratamentu saúde iha Indonézia iha loron kuarta (18/11) maizumenus tuku 13:00 hafoin dezloka husi Aeroportu Internasionál Nicolau Lobato Dili ho aviaun Zet ne’ebé akompaña husi Jacinto Rigoberto no Tomas Cabral.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com