Sentimentu triste ne’e Xefe estadu espressa depois de serimónia tomada de pose ba Ministru Finansas (MF) foun Rui Gomes, iha Palásiu Prezidensiál bairru-pite, Dili.

"Ohin, PR lakon asesór di'ak tebes ida maibé iha sorin seluk, governu manán ema ida ne’ebé integru, dedikadu no efisiente. Governu manán ekonomista interdixiplinár, espesializadu iha dezenvolvimentu, ho esperiénsia profisionál liu tinan rua nulu," PR Lú Olo hateten ba jornalista sira, Segunda (23/11).

Biar nune'e, PR Lú Olo hato’o rekoñesimentu ba servisu no kualidade exelente no dedikasaun estraordinária hosi Rui Gomes durante periodu ne’ebé hala’o kna’ar nu’udar asesór pesoál PR. (*)