Guntur “Luta iha PN” atu Defende Mane

Deputadu bankada Partidu Libertasaun Popular (PLP) Sabino Soares Guntur iha Plenaria PN Deputadu bankada Partidu Libertasaun Popular (PLP) Sabino Soares Guntur iha Plenaria PN Foto suplai

Tempotimor (Dili)-Deputadu bankada Partidu Libertasaun Popular (PLP) Sabino Soares Guntur husu ba sosiedade no organizasaun politiku sira, inklui instutuisaun estadu atu halo sensibilizasaun ba problema entre feto ho mane.

Deputadu PLP husu ne'e tanba nia hare katak, problema ne’ebé mosu beibeik ne’e la'ós tanba ema ida de’it mak hamriik hodi halo, maibé tanba ida ne'e involve husi ema nain rua, feto ida no mane ida.

"Lor-loron mak problema feto, mais dala barak ita tenke hare konseitu sosiál ne'ebé mak influensia problema hirak ne'e. Uluk kedas ha’u hatete katak, laiha ema ida hamrik mesak halo problema, maibé feto ida ho mane ida hamutuk mak hodi halo problema,"Guntur hateten lia hirak ne’e liu husi ninia intervensaun iha plenária PN, Segunda (23/11).

Nia konsidera problema ne'ebé mosu la'ós tanba mane mak problema nia abut, maibé parte rua ne'e mak halo problema.

Tanba ne'e, nia husu orgaun estadu tenke buka identifika Problema hotu, atu labele fó presaun de’it ba ema ida, depois iha kraik ne'e hamosu problema beibeik, no deputadu sira hakilar de’it iha leten.

"Ho razaun ida ne'e mak ita ne'ebé halo introdusaun ba problema feto nian ou mane nian, ita tenke sensibiliza sasan sira ne'e atu labele hamosu problema beibeik," nia hateten.

Kona-ba atu evita problema, nia dehan, ida ne'e kompeténsia sosiedade, organizasaun politiku hotu, instituisaun estadu hotu-hotu, iha kbiit atu identifika sasan sira ne'e, tenke hamosu lei ruma atu mobiliza sasan sira ne'e.

"se lae ita nafatin haketak fatin rua ne'e tau todan hotu ba ema ida deit no fó presaun sosiál ba ema ida de’it konserteza problema ne'e mosu bebeik," Guntur hateten.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks