CFP Oferese tan Formasaun Pedagójika ba Dosente UNPAZ

Partisipante dosente foto hamutuk ho Komandante CFP Superintendente Xefe Arquimino Ramos bainhira tuir formasaun pedagozia faze dala-tolu ne'ebé realiza iha CFP Komoro Dili, Segunda (23/11). Partisipante dosente foto hamutuk ho Komandante CFP Superintendente Xefe Arquimino Ramos bainhira tuir formasaun pedagozia faze dala-tolu ne'ebé realiza iha CFP Komoro Dili, Segunda (23/11). Foto Tempo Timor

Tempotimor (Dili) – Centro Formação Polícia (CFP) Komoro, oferese formasaun pedagójika ba dosente Universidade da Pás (UNPAZ) ba faze datoluk.

Komandante CFP Superintendente Xefe Arquimino Ramos hateten, kursu pedagozia ba dosente UNPAZ ne’e realiza ba faze dala-toluk ona, katak formasaun, edukasaun no avaliasaun ba dosente sira.

Ramos esplika iha kursu pedagozia rasik oinsa hanorin atu dosente sira prepara modul, hahú husi perpara matéria, planu lisaun, sesaun, métodu hanorin no uza sistema padraun ne'ebé aplikável iha Amérika no Austrália.

"Tuir rekomendasaun péritu internasional ne'ebé ANAAA rekomenda mai, katak, presija iha formasaun pedagozia ba kurpu dosente sira”, Arquimino Ramos hateten ba jornalista iha CFP Komor, Dili, Segunda (23/11).

Tuir nia, rekomendasaun ne’e, tanba péritu internasionál sira nia avaliasaun maioria dosente sira ba hanorin ne'e laiha manuál ne'ebé guia sira, laiha planu lisaun, sesaun, power point, oinsa mak utiliza didiak materia dialétiku sira ne'e, presija iha formasaun, tanba iha fatin barak aplika, iha Austrália, Japaun no Filipina.

Ramos hatutan tempu to'o ona atu muda kultura hanorin ne'ebé tuir ida-ida nia esperiénsia no hanoin, presija tuir padraun hanorin internasionál ne'ebé aplika iha Rai-liur.

"Maioria dosente sira laiha background pedagozia, tanba ne'e mak ita dezenvolve kursu ne'e kleur ona, hahu 2004," Ramos dehan.

Superintendente Polisia ne'e rekomenda atu Timor-Leste tenki hakotu ona kultura hanorin tuir ida-ida nian hanoin, dosente sira barak lori livru bo'ot ba aprejenta maibe lahatene topiku ne'ebé mak atu hanorin, guia no avalia paper oinsa.

"Ida ne'e ita tenki muda ona kultura hanorin tuir padraun internasional," Ramos fó hanoin .(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter