Deputadu Branco Ko’alia ne'e tanba nia hare katak, programa sesta bázika ne'ebé oras ne’e daudaun governu halo hela ne'e mosu kompleksu, tanba governu ezekuta tuir deit dadus uma kain ne'ebé uluk governasaun anteriór prepara ona ho total uma kain millaun 1.3.

Tanba ne'e nia hateten, governu ida agora senti katak distribuisaun sesta bazika ba populasaun iha Timor-Leste, tenke responde ho kuidadu, labele ansi, tanba dadus ne'ebé governu anteriór prepara laiha baze dadus ne'ebé klaru.

"CNRT mak durante kaer governasaun tinan 12 laiha baze dadus ida ne’ebé loloos, se mak sala," Branco hateten lia hirak ne’e iha Parlamentu Nasionál, Segunda (23/11).

Kona-bá dadus uma kain ne'ebe ikus-ikus aumenta to’o millaun 1.5 ne'e, nia hateten, ida ne'e sai hanesan frakeza ida ne'ebé CNRT tenke rekoiñese, no Fretilin la'ós hatudu liman de'it maibé ida ne'e mak realidade ne'ebé CNRT halo duni durante tinan 12.(*)