Xefi gabineti Primeiru Ministru, Azevedo Marçal hateten, Primeiru Ministru, Taur Matan Ruak rasik mak lidera halo inkontru ho ajénsia autónoma sira ho objetivu prinsipál mak halo preparasaun ba debate OJE 2021 iha Parlamentu Nasionál.

Nia dehan, durante enkontru Primeiru Ministru husu ba ajénsia autónoma idaidak, atu aprezenta proprama prioridades no halo justifikasaun orsamentu sira atu nune’e, diskusaun iha PN ba jeneralidade no espesialidade PM Taur bele intende ajénsia sira nia programa no orsamentu.

"Ita tenki iha informasaun ida atu ita bele transmiti ba iha Parlamentu Nasionál bainhira iha dúvidas, perguntas husi na’in deputadu no lou deputada sira," Azevedo hateten ba jornalista sira hafoin enkontru iha Palásiu Governu Dili, Kinta (19/11).

Azevedo hatutan, PM orienta ba ajénsia autónoma hotuhotu inklui Sekretáriu Estadu Igualdade no Inkluzaun (SEII) katak, diskusaun iha Parlamentu kona-ba Lei orsamentu sei foka ba orsamentu bazeia programa. (*)