Login to your account

Username *
Password *
Remember Me

FRETILIN Ejize Lú Olo ho Taur Ezonera Embaixadór TL iha Japaun

Embaixadór Timor Leste ba Japaun, Ilídio Ximenes ka'er liman ho Prezidente Repúblika, Francisco Guterres Lú Olo, hafoin pose iha palasiu Prezidensial Bairro Pite, Dili iha loron 28 fulan Janeiru tinan 2020 Embaixadór Timor Leste ba Japaun, Ilídio Ximenes ka'er liman ho Prezidente Repúblika, Francisco Guterres Lú Olo, hafoin pose iha palasiu Prezidensial Bairro Pite, Dili iha loron 28 fulan Janeiru tinan 2020 Foto File

Tempotimor (Dili)-Prezidente bankada Frente Revolucionário Timor Leste Independente (FRETILIN) iha Palamentu Nasional (PN) Francisco Branco, ejize ba Prezidente Repúblika (PR) Francisco Guterres Lú Olo ho Primeiru Ministru (PM) Taur Matan Ruak, atu halo ezonerasaun imediatamente ba embaixadór Timor-Leste nian ne'ebé oras ne'e reprezenta estadu RDTL iha Japaun.

Nia husu ezonerasaun ne'e, tanba tuir FRETILIN ninia hare ba embaixadór Timor-Leste iha Japaun, halo serbisu la’ós ona atu reprezenta estadu, maibé reprezenta fali grupu ka partidu nian.

"Embaixador nia mandatu atu reprezenta Estadu Timor-Leste iha Japaun, maibé realidade hatudu katak, embaixadór ida ne’e, la’ós reprezenta estado Timor-Leste, maibé reprezenta fali grupu no partidu, Liu-liu utiliza rekursu estadu nian hodi halo fali ajenda partidu nian," Branco kestiona liu husi konferénsia imprensa iha PN, Kinta (19/11).

Nia esplika, ema ne'ebé assumi kargu embaixadór plenu menus ba reprezenta Estadu, la’ós uza oportunidade goza previlejiu no imunidade nu’udár reprezentante Estadu.

Ne'e duni nia husu atu ema ne'ebé asumi pasta embaixadór Timor-Leste nian ne'ebé estadu tau fiar dezloka ba iha nasaun ne'ebé de’it, ema ne'e tenke reprezenta povu iha nasaun República Democrática Timor-Leste (RDTL) liu-liu mak tenke hamosu relasaun Estadu ho Estadu.

Relasiona ho aktu embaixadór TL iha Japaun ne'ebé hahú interese ba partidu maka bankada FRETILIN kondena actos ida ne'e no FRETILIN husu atu halo ezonerasaun imediata ba embaixador ne'e tanba hala'o servisu ladún sériu ba estadu.

Embaixadór Ilídio Ximenes rasik hetan pose husi Prezidente Repúblika, Francisco Guterres Lú Olo iha palasiu Prezidensial Bairro Pite, Dili iha loron 28 fulan Janeiru tinan 2020, liuhusi dekretu 21/2020.

To’o notísia ne’e publika www.tempotimor.com seidauk halo konfirmasaun ho atuál embaixadór Timor Leste nian ne’ebé oras ne’e reprezenta estadu iha Japaun, inklui seidauk konfirma ho Xefe estadu no Xefe Governu.
Rate this item
(0 votes)
Last modified on Thursday, 19 November 2020 12:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter