Deputada ne’e dúvida tanba orsamentu ne’e, boot liu kompara ho alokasaun iha tinan sira ne’ebé liu ona.
"Iha tinan 2021, osan operasionál ba Timor Gap hamutuk millaun $8 resin, ne'e atu halo ba saida-saida de’it, ha’u hakarak hatene,"Deputada Virginia hateten lia hirak ne’e hafoin partisipa iha audiénsia públika OJE 2021, iha Parlamentu Nasionál, Tersa (17/11).
Nia fó ezemplu katak, kustu operasionál ne'ebé alokadu ba Timor Gap iha tinan 2017 hamutuk millaun $5 de'it, no 2018 milaun $6.5, 2019 milaun $7.2, iha 2020 milaun $6, maibé iha 2021 osan ida ne'e kuaze sa'e to'o millaun $8.
Entretantu, preokupasaun ne’e mós tanba tuir deputada ne’e nia hare katak, Timor Gap rasik la halo deskrisaun detalla kona-ba uzu orsamentu refere iha proposta alokasaun ne’e. (*)