"Atu halo remodelasaun ne'e kompeténsia Prímeiru Ministru, hare ba servisu membru governu ida-idak nian. Sé iha razaun forte no justifikasaun forte, ba funsiomentu oitavu governu ne'ebé viabilizadu husi Fretilin, atu funsiona di'ak liu tan, ne'e ita tenke fo bemvindu ba interese estadu nian", Prezidente bankada partidu Fretilin, deputadu Francisco Miranda Branco hateten iha PN, Segunda, (16/11).
Maske nune'e, Branco dehan, bainhira atu hala’o remodelasaun tenke iha avaliasaun, ba servisu sira ne'ebé halo ona durante loron atus-ida (100).
"Ita bele halo avaliasaun ona, tanba iha fatin hotu-hotu hanesan ne'e duni halo avaliasaun ba loron atus ida, servisu kada membru governu ida, keta bazeia ba ida ne'e mak Primeiru Ministru, hasai desizaun katak, membru governu ida ne'e presiza atu troka ne'e iha razaun", Branco subliña.
Antes ne’e Primeiru Ministru Taur Matan Ruak hateten, sei hasai membru governu ne’ebé la obedese ba regra no la servi povu ho diak. (*)
PUBLISIDADE