Ministru Prezidénsia Konsellu Ministru Fidelis Leite Magalhães informa, governu nomeia Jonianto Monteiro ba kargu ne’e ho mandatu tinan 4.
"Konsellu Ministru ohin aprova projetu rezolusaun ida husi Ministru Petróleu no Minerál, ne'ebé halo nomeasaun ba Jonianto Monteiro atu sai hanesan Vogál ba Konsellu Diretivu iha Autoridade Nasionál Petróleu no Minerál (ANPM)", Fidelis dehan ba jornalista hafoin reuniaun KM iha palásiu governu, Sesta (13/11).
Nia dehan, mandatu ba Jonianto Monteiro ne'e la'os ezonerasaun, maibé nomeasaun.
"Mandatu ne'e, la'os ezonerasaun, ne'e nomeasaun ba vogál mak governu nomeia Jonianto Monteiro ba mandatu tinan haat", Fidelis subliña. (*)
PUBLISIDADE