Ministru Jose Agostinho da Silva hateten lia hirak ne'e hafoin partisipa audiénsia públika OJE 2021 ho komisaun C iha plenaria Parlamentu Nasionál, Sesta (13/11).

Nia hatutan governu deside preve millaun $40 ba iha investimentu kabu submarinu dada husi Darwin mai Timór, tanba ida ne'e atu benifisia povu inklui ajénsia no instituisaun estadu ne'ebé ezisti iha teritóriu tomak.

"Benefísiu ne'ebe mak ita sei hetan husi Investimentu estratéjiku fibra óptika, ka kabu sub-marinu ida ne'e, klaru nia sei lori benifisiu mai TL, hodi nune'e bele iha asesu ba internet ho velosidade ne'ebé lalais," ministru ne’e defende.

Nia konsidera fibra otika refere sei fó benefísiu diak ba Timor tanba kapasidade rede ne'ebé sira oferese mai TL boot tebes, maibé governu selu deit ho kustu ne'ebé kiik.

Ne'e duni José Agostinho fiar katak, bainhira projetu ne'e implementa ona, ida ne'e sei hadia liu tan velosidade rede hodi asesu ba internet ho lais liu.(*)

PUBLISIDADE