Situasaun rai laran la’o hakmatek hela, maske iha preokupasaun ba arte marsial, maibe ne’e hanoin katak governu seidauk legaliza mak sira baku no oho malu ne’e krime organizadu, polísia kaer ba hatama iha kadeia.

“Bainhira polísia kaer sira ba hatama kadeia, depois tribunal lakohi kopera ho ami no husik fali, hanesan foin dadauk sira ba hamanas ita iha atambua ne’ebá, sira mai fali dehan katak sira komete krime iha ema nia rai, mas ita nia lei hodi bandu buat ne’e iha ka laiha? Sé bandu entaun ba komete krime iha ema nia rai depois mak mai viola ona ita nia lei rai laran”, tenik Lere, iha Palásiu Prezidensiál Bairru-Pité, Kuarta (24/4).

Nia komenta, karik juis balun balun mós envolve iha arte marsial karik, se envolve kaer sira dala ida deit pois nia maluk juis sira mak julga malu fali, tanba labele halimar fali ho vida nasaun nian.

Lere afirma, to’o ohin loron situasaun hakmatek tenba figura ne’ebé sei iha, tanba ne’e mak nasaun sei la’o hakmatek.