Nia dehan, iha Kovalima sei hala'o lansamentu iha suku Taroman, no iha Likísa sei lansa iha suku Kutulau.
Tuir nia, programa naroman ba suku nu'udár programa boot liu husi MPAKOMS nian ne'ebé sei hala'o duni iha fulan dezembru molok tama ba tinan 2021.
“Suku identifikadu mak ne'e, iha Suai naran Taroman, besik liu fronteira. Iha Likisa mak suku Kutulau. Ida ne'e planu iha Dezembru atu ba lansa iha ne'ebá, ne'e ami hein sira team advance ba ona hare, identifika ona”, Ministru MAPKOMS, Francisco da Costa Martins Pereira Jerínimo hateten lia hirak ne’e iha Palásiu Governu, Kuarta (1/11).
Alende ne'e, MAPKOMS liuhosi nia gabinete sei hala'o enkontru ida ho komunidade iha Larigutu Ossú, atu hare hamutuk iha parte kulturál ninian, tanba foho Larigutu identifika ona sai fatin ida ne'ebé atu bele tau mós Tore foun ida iha 2021.
“Entaun, estudu halo hotu ona, maibé presiza enkontru ho komunidade suku haat iha ne'ebá, atu husu sira nia disponíbilidade nune'e lia na’in sira haree took, possibilidade bele ka la’e, maibé ohin estudu bele, só ke parte kultura nian presiza halo identifikasaun, presiza halo diálogu ho komunidade. Ida ne'e sei hala'o iha fulan dezembru”, nia tenik.
PUBLISIDADE