Print this page

PM Taur Agradese ba “Kooperasaun Exelente” entre TL-EUA

By November 13, 2020 792
Embaixadora EUA Kathleen M. Fitpatrick ko'alia ba Jornalista sira iha Palasiu Governu hafoin hasoru malu ho Xefe Governu Taur Matan Ruak (11/11) Embaixadora EUA Kathleen M. Fitpatrick ko'alia ba Jornalista sira iha Palasiu Governu hafoin hasoru malu ho Xefe Governu Taur Matan Ruak (11/11) Foto Tempo Timor

Tempotimor (Díli)- Primeiru Ministru (PM) Jenerál Taur Matan Ruak, agradese ba “kooperasaun exelente” entre Timor-Leste ho Estadus Unidus Amérika (EUA), durante ne’e.

Embaixadora EUA Kathleen M. Fitpatrick hato’o lia hirak ne’e hafoin hasoru-malu hodi halo despedida ho Primeiru Ministru Taur Matan Ruak iha palásiu governu, Kuarta (11/11).

“Iha sorumutu ho Primeiru Ministru Taur Matan Ruak, ko'alia kona-ba relasaun exelente entre Estadu Unidus Amérika ho Timor-leste”, embaixadora ne’e esplika.

Tanba ne’e, nia hatutan, Primeiru Ministru oferese agradesimentu ba Estatus Unidus Amérika ne'ebé ho komitmentu atu kontinua nafatin promove relasaun exelente ne’e no atu hadi'a diak liu tan relasaun entre nasaun rua.

"Iha ondra boot, reuniaun despedida ho Primeiru Ministru Taur Matan Ruak, ami ko'alia kona-ba relasaun exelente entre Timor-Leste ho ami nia nasaun Estadus Unidus Amérika", nia akresenta tan.

Diplomata ne’e rekoñese katak, durante nia mandatu ho misaun diplomasia iha Timor-Leste konsege kria no hametin relasaun forte ho nasaun ne’e iha área oioin.

“Ami nia relasaun ne'e forte ho komitmentu nafatin relasaun ho Timor-Leste, Estadus Unidus Amérika iha amizade forte ho Timor-Leste desde independénsia to’o ohin loron”, nia subliña.(*)

 

PUBLISIDADE

Rate this item
(0 votes)
Last modified on Friday, 13 November 2020 00:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items