Bento espressa insatisfasaun no lamentasaun ne’e tanba iha ámbitu selebrasaun Masakre Santa Kruz ba dala 29 iah tinan ne’e, governu ne'ebé responsabiliza ba komemorasaun ne'e la prepara kadeira ruma atu Membru Rezisténsia ba Masakre ne’e bele tuur.
"ami mai hamriik deit hanesan ne'e, saida mak hanesan ne'e. Uluk ami hodi iis matan luan, hodi ami hetan libertasaun hakerek ami nia istória, mas agora iha komemorasuaun ne'e ami laiha fatin, tanba saida?," nia kestiona hafoin partisipa iha selebrasaun 12 novembru iha semitériu Santa Krus, Kinta (12/11).
Nia haktuir, iha tinan rua liu ba, governu promete ona katak, sei tau kondisaun espesiál ba autór Masakre Santa Krus bainhira hala'o selebrasaun ruma, maibé realidade la akontese.
Ne'e duni Nia husu governu atu labele kompara autor sira hanesan ema babain, tanba sira ne’e mak Maskare nee akontese.
"Ami sente triste, tanba iha tinan rua ba kotuk ami entrega ona ba governu katak, governu mak sei realiza komemorasaun 12 novembru no Governu hatete ona katak, ami mak espesiál ba loron Masakre santa Krus nian. Maibé, to'o agora ami la hetan nafatin fatin. Ami mai sempre hamriik de’it, fatin laiha ba ami," nia lamenta.
Tuir observasaun www.tempotimor.com iha terenu nota katak, Mate Restu Masakre Santa Krus ne'ebé mós partisipa iha eventu ne’e, tenke hamriik hahú husi inísiu to'o remata, tanba laiha kadeira ba sira.(*)
PUBLISIDADE
