Elizário afirma, kompañia sira la manan buat ida husi sesta bázika, tuir loloos kompañia sira lakohi ona partisipa iha programa rekoperasaun ekonomika povu nian, maibé SEKoop enkoraja katak, povu menus ai-han, emprezáriu sira mak tenke kontribui atu hadi'a sira nia kondisaun ekonómika.
“Ha'u hakarak hateten katak, iha distribuisaun sira ne'ebé ami halo, ne’e ida be dehan kompañia mak benefísiu ne'e, laiha”, Elizário Ferreira hateten lia hirak ne’e hafoin sorumutuk iha palásiu governu, Kuarta (11/11).
Tuir nia, bainhira povu nia situasaun ekonómika la'ó ho diak, hatudu katak, emprezáriu sira mós partisipa iha melloramentu ba iha ekonómia povu nian, tanba ne'e disifil oitoan kuandu públiku dehan kompañia mak hetan liu fali benefísiu.
Nia mós rezeita informasaun husi sosiedade sivíl sira kona-ba ekipa ne'ebé distribui sesta bazika, maiória hetan valór perdiem ne'ebé boot kompara ho valór ne'ebé atribui ba populasaun.
“Agora, ha'u nia pergunta ba sosiedade sivil, sé suku ida ema rihun 2, purezemplu, ha’u distribui iha Tazhilin iha dia 7 liu ba, ema 2.853, ema-nain rua labele servisu ba ema rihun ida iha loron ida. Se dehan ida ne'e ba buka perdiem ne'e laloos ona”, nia rezeita.(*)
PUBLISIDADE