Lider sira ne'ebé Lere sita maka hanesan Kay Rala Xanana Gusmão, Mari Alkatiri, Francisco Guterres Lú Olo, Taur Matan Ruak no Ramos Horta, tenke hatudu buat diak ba jerasaun foun sira para situasaun diak nafatin.
“Ita nia situasaun hakmatek to’o agora tanba figura hanesan Xanana, Marí, Horta, Lú Olo, Matan Ruak, sira sei moris mak ema haree ba sira", dehan Lere, iha Palásiu Prezidensiál Bairru-Pité, Kuarta (24/4).
Lere mós preokupa ba jerasaun futuru nian, tanba nu’udar lideransa ne’ebé sakrifika aan no familia, maun-alin mate ba libertasaun nasaun Timor-Leste ne’e bele sai nasaun independente ida. Tanba ne’e, hanesan líder nasional sira tenke hatudu buat diak no labele lori konfuzaun ba jerasaun tuir mai para sai nasaun konflitu hanesan fatin seluk.
Eis-gerrileiru ne’e dehan, ohin loron situasaun sei hakamtek tanba veteranu sira sei haree ba Lere mak sei lidera, entaun veteranu sira seidauk ko’alia tanba uluk iha ai-laran Lere Anan Timur mak lidera sira, maibé ba jerasaun futuru tuir mai sai oin seluk ona, bele timor mak sai aat fali.