Amérika Apoia TL La'ós ho Intensaun “Aat”

Ro funu EUA iha tasi besik Atauro ho Dili Ro funu EUA iha tasi besik Atauro ho Dili Foto File

Tempotimor (Díli)- Apoiu ne'ebé Estadus Unidus Amérika (EUA) fó ba Timor-leste (TL) laiha intensaun “aat” ruma.

Embaixadora Estadus Unidus Amérika iha Timor-leste, Kathleen M. Fitpatrick hateten, EUA ninia objetivu atu apoia dezenvolvimentu Timor-Leste nian iha área oi-oin, la'ós ho intensaun seluk, maibé apoia ho neon no laran.

Embaixadora Kathleen M. Fitpatrick hateten lia hirak ne’e hodi responde pergunta jornalista nian kona-ba, “deskonfiansa” públiku ba Amérika atu ajuda Timor-Leste hodi konstrui aeroportu Baukau, ne’e iha intensaun atu monta mós ninia antena oinsá monitoriza tasi kle’an iha área Tasi Timor, tanba durante ne’e iha mós kompetisaun entre Xina ho Amérika rasik atu uza tasi kle’an Timor Leste ba sira nia ro submarinu.

"Buat ne’ebé ema ko’alia ne’e rumoris de'it, tanba Estadus Unidus laiha intensaun hanesan ne'e iha Timor-Leste. Ami iha relasaun forte no diak ho Forsa Defeza, Ministériu Ekonómiku, Ministériu Estranjeiru, no kualkér ministériu iha Timor-Leste", Embaixadora EUA hateten lia hirak ne’e hafoin hasoru-malu ho Primeiru Ministru Taur Matan Ruak iha palasiu governu, Kuarta (11/11).

Nia dehan, relasaun Estadu Unidus Amérika ninian ho Timor-Leste ne'ebé la'o diak tebes ne'e, atu apoiu dezenvolvimentu, liuliu hakarak ba povu ne’e ninia moris di’ak.

"Ami nia objetivu apoia Timor-Leste nia dezenvolvimentu ekonómiku no demokrátiku, entaun rumoris ne'e, rumoris de'it", nia subliña.
Kona-ba EUA atu fó apoiu hodi halo konstrusaun ba aeroportu Baucau, nia dehan, iha dois minutu ho Primeiru Ministru fó perguntas ba Estadus Unidus atu fó apoiu Timor-Leste hodi hamutuk hadi'a aeroportu.

"Entaun, Estadus Unidus halo ami nia servisu, atu hatan pedidu Timor-Leste nian ba Estadus Unidus", nia informa.

Nia afirma, atu hadi'a aeroportu Baucau, Estadu Unidus Amérika laiha hanoin atu hela ou hala'o servisu permanente.

"Atu nafatin ho programa ki'ik, hamutuk ho F-FDTL, laiha prezensa permanente Estadus Unidus Amérika, ami iha ideia mai iha Timor-Leste fulan 2 ou 6, enjeñeiru sira na’in 16 atu servisu hamutuk ho F-FDTL atu halo moru iha aeroportu, entaun ami ko'alia kona-ba komitmentu Estadus Unidus, pedidu Timor-Leste ba ami nia nasaun, eh ami hein desizaun governu", nia esplika.(*)

 

PUBLISIDADE

Rate this item
(0 votes)
Last modified on Thursday, 12 November 2020 16:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks