Login to your account

Username *
Password *
Remember Me

Governu sei Hamosu ID Úniku ba Kada Sidadaun iha TL

Palasiu Governu Palasiu Governu Foto File

Tempotimor (Dili)- Governu sei hamosu númeru identifikasaun uniku (ID) ba kada sidadaun tantu estranjeiru ne'ebé iha Timor-leste (TL).

Ministru Prezidensia Konsellu Ministru Fidelis Leite Magalhães esklarese, númeru identifikasaun úniku ne'e sei lidera husi Agênsia Teknolojia Informasaun no Komunikasaun (TIK) Timor I.P.

"Ohin komisaun interministerial tekniku ne'ebé lideradu husi TIK Timor halo aprezentasaun ida ba Primeiru Ministru ho Ministru Prezidensia Konsellu Ministru kona-ba opsaun sira ne'ebé governu presiza hola relasiona ho inisiativa dizitalizasaun uniku hanesan uniku ID, ne'e sistema ida importante sai hanesan aliserse ou ai-rin ba dezenvolvimentu governasaun elektronika iha Timor-leste", Fidelis dehan iha palasiu governu, Kuarta (11/11).

Tuir nia, sistema ne'e dalan ida importante hodi dudu ba modernizasaun, entaun ho ida ne'e ohin TIK aprezenta ona opsaun saida mak diak liu.

Nune'e, ohin opsaun tolu mak halo diskusaun kle'an, espera iha semana tuir mai TIK ho ekipa komisaun interministerial sei halo aprezentasaun ida ba Konsellu Ministru atu hili modelu primeiru roteiru no métodu implementasaun ba iha programa identifikasaun.

"Iha ne'e hare saida mak sai pergunta no ohin TIK mós aprezenta esplika ona kona-ba nesesidade atu halo komunikasaun entre sistema",nia tenik.

Nia dehan, sistema ida hanaran indika indentifikasaun liga ba atribuisaun identidade legal ou lae.

"Identidade legal mak hanesan rejistu moris sira, entaun rejistu moris sira ne'e mantein nafatin iha sistema atual ne'ebé unika ID ne'e atu harii ho hanoin ida katak, nia bele komunika ho sistema sira hotu, mais nia foku atu asegura liu-liu asesu ba servisu ne'ebé governu sei fo ba sidadaun", nia akresenta.

Tanba ne’e, nia hatutan, servisu sira mak hanesan karta kondusaun, apoiu ne'ebé governu fó, no dadus impostu nian, hirak ne'e sei tama hotu iha uniku ID.

"Uniku ID ne'e sei sai hanesan sumbrina ida ho ninia sistema funsiona, entaun bainhira aprezenta ita boot nia númeru ba iha instituisaun ida, iha ne’ebá informasaun sira kona-ba ita boot selu impostu ou lae sei hatudu iha neebá", nia esplika.

Entaun, bainhira ba empresta osan iha banku, iha ne’ebá husu uniku ID, ita boot iha hela dividas pendente ruma ou lae no sidadaun duni ou la’e.

"Uniku ID ne'e bele komunika entre entidade hotu , entaun, sei bele konfirma ita boot nia identidade dizital", ni sujere.

Nia mos dehan, kada sidadaun Timor-Leste sei iha identidade dizital ida ne'ebé defini husi ninia númeru ne'ebé sei atribui ba kada sidadaun.

"Ida ne'e sei aplika ba ema hotu, inklui ita kolega estranjeiru sira ne'ebé iha timor", nia afirma.

Nune'e, kona-ba opsaun sira ne'ebé atu utiliza, TIK sei aprezenta iha Konsellu Ministru tuir mai, hafoin bele hatene loloos solusaun ba opsaun ne'ebé sei implementa.

 

PUBLISIDADE

Rate this item
(0 votes)
Last modified on Thursday, 12 November 2020 07:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter