Login to your account

Username *
Password *
Remember Me

L-7: “Juven Labele Mete Problema Lider Sira Nian”

Prezidenti Komisaun 12 Novembru, Gregório Saldanha akonpana husi Prezidenti Organizasaun Sagrada Familia, Cornélio Gama L-7 halo konferensia imprensa iha semináriu Selebrasaun loron Juventude  iha Salaun Xanana sport Center FFTL Bairu dos Grillos Dili, Tersa (10/11). Prezidenti Komisaun 12 Novembru, Gregório Saldanha akonpana husi Prezidenti Organizasaun Sagrada Familia, Cornélio Gama L-7 halo konferensia imprensa iha semináriu Selebrasaun loron Juventude iha Salaun Xanana sport Center FFTL Bairu dos Grillos Dili, Tersa (10/11). Foto Tempo Timor

Tempotimor (Dili) – Vetaranu no atuál membru Parlamentu Nasionál, Cornélio Gama “L7” husu ba Juven sira atu labele mete hodi hatama kanuru tohar ba problema lider sira nian, maibé tempu atu juven sira estuda hodi luta ba dezenvolvimentu Timor-Leste.

L-7 hato’o lia hirak ne’e bainhira partisipa iha abertura semináriu Loron Nasionál ba Juven sira ne’ebé organiza husi Juventude Organizasaun Rezisténsia Sagrada Familia (J-OSF) ho tema "Transmite Espiritu 12 Novembru ba Juven sira iha Faze Libertasaun Povu", iha Salaun FFTL-Xanana Sport Center” Bairu dos Grillos Dili, Tersa (10/11).

Prezidenti no Fundador organizasaun Resistensia Sagrada Família ne’e hateten, Juven sira presija atu respeita lider nasional sira no tenke konsidera hanesan património no eransa funu nian.

"Xanana Gusmão, Taur Matan Ruak, Francisco Guterres Lú Olo, Mari Alkatiri, Ramos Horta, ne'e património nasaun nian, problema sira nian. Ita labele hatama kanuru tohar iha ne'ebá, tanba sira ne'e patrimonio eransa funu nian," L-7 hateten.

L7 hatutan, importante mak oinsa Juven sira esforsu-an liu husi estuda nune'e to'o tempu bele substitui líder nasionál sira.

"Lakohi servisu, hakarak ha’u simu de’it, problema ba ita. Ne'ebé ha’u husu ba organizasaun hotuhotu estuda, estuda, ikus mai sai ministru-ministra, Komandante F-FDTL, ne’e imi nia ona," L-7 husu.

Rate this item
(0 votes)
Last modified on Tuesday, 10 November 2020 21:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter