Login to your account

Username *
Password *
Remember Me

MAPKOMS Prioritiza Programa Lima iha 2021

Ministéru Asuntu Parlamentár no Komunikasaun Sosiál, Francisco Martins da Costa Pereira Jerónimo Ministéru Asuntu Parlamentár no Komunikasaun Sosiál, Francisco Martins da Costa Pereira Jerónimo Foto File

Tempotimor (Díli)- Ministériu Asuntu Parlamentares no Komunikasaun Sosiál (MAPKOMS), sei prioritiza programa prioridade lima iha tinan 2021, ho orsamentu ne’ebé prevee ona iha Orsamentu Jerál Estadu (OJE) tinan fiskál 2021.

“Tanba ita iha sistema foun ho orsamentu bazeia ba programa, entaun ami iha programa lima ne'ebé sai prioridade ba iha 2021”, Ministéru Asuntu Parlamentár no Komunikasaun Sosiál, Francisco Martins da Costa Pereira Jerónimo hateten lia hirak ne’e durante audiénsia públika ho komisaun A iha sala konferénsia PN, segunda (09/11).

Nia esplika, programa primeiru koalia kona-ba asuntu parlamentár nomós halo koordenasaun entre governu iha parlamentu nasionál atu bele funsiona di'ak liu tan, tanba haree husi situasaun neebé daudaun mosu, sira hakarak halo melloramentu atu bele foku ba asuntu sira ne'ebé presiza atu hadia lalais, labele tau hamutuk, tanba sei difísil atu rezolve.

Programa segundu, maka sei kontinua promove boa-governasaun no jestaun institusionál, katak buat ne'ebé seidauk di'ak, tenke hadian atu bele sai diak liu, no buat ne'ebé diak ona, sira tenke jere nafatin kontinua atu hala'o di'ak liu tan.

“Tanba ne'e maka boa-governasaun ne'e sai xáve ida ba ami atu halo nusá maka buat hotu-hotu servisu iha transperánsia nia laran liu-liu bazeia ba lei ne'ebé maka iha”, nia dehan.

Governante ne’e hatutan, iha programa terseiru maka, diseminasaun informasaun kona-ba asaun governativa no programa dezenvolvimentu nian, tanba kada diresaun iha obrigasaun atu halo desiminasaun informasaun sira ba públiku atu hatene kona-ba atividade saida mak governu halo, ka apoiu desizaun ruma ne'ebé governu foti liu-liu iha relasaun ho lei sira, atividade sosiál, ekonómika, agrikultura ho seluk tan.

Iha parte da-haat nian, nia esplika, tanba MAPKOMS iha relasaun ho média, entaun sira nafatin iha hanoin hodi garante liberdade imprénsa, liberdade expresaun no liberdade ba asesu informasaun nian.

“Tanba ne'e, to'o oras nee ita nia média sira, dala-ruma foti kestaun nafatin maibé, buat ida ne'ebé garante sira, governu liuhosi ministériu ne'ebé ami tutela, katak ami tenke garante nafatin ba sira liberdade espresaun nee buat ida ne'ebé sira tenke hala'o, sira halo, ami la impoin nomós notísia sai mak sira halo, ami la ba intervein”, nia deklara.

Maske nune'e, nia husu ba média sira bainhira halo buat ruma ne'ebé laloos entre ema ida, nia husu atu halo de'it respósta ba kazu sira ne'ebé notísia tun dala-ruma laloos, ka ema ne'ebé sente afetadu ba notísia ida, husu ba KI atu bele hatete ba média sira publika direitu ba respósta.

“Porograma ikus liu, ami enkoraja nafatin atu diversifikasaun ba meius komunikasaun, tanba ita hotu hatene katak ohin loron ita tama ona iha era ida dizitál, tanba ne'e maka ida be bolu dehan analog ne'e konvensionál, la'ós ona tempu tanba ita iha ona era dizitál”, nia sublina.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter