Deputadu ne’e konsidera governu konstituisionál da-ualu ida ne'e, hanesan hatudu aan deit, tanba nia hare katak, komparasaun governu ida agora ho governu uluk ninian laiha ida mak diak liu ka aat liu.

Kalohan hasai deklarasaun ne'e, tanba nia hare katak, governu ne'ebé lidera husi Primeiru Ministru (PM) Taur Matan Ruak ho ninia deputadu bankada governu iha Parlamentu Nasionál, hatudu-an no gaba-an lakohi apresia servisu governu anteriór nian ne'ebé lidera husi Kay Rala Xanana Gusmão.

"Iha baze planu ne'ebé mak governu ne’e kontente los ne’e, dehan ida agora ne'e halo diak liu, enkuantu sira uluk halo ne'e la diak. Maibé, laiha diferente konpara ho governu ne’ebé oras ne’e gaba-an los ne’e,"

Deputadu Kalohan deklara liu husi audiénsia públika OJE 2021 iha plenária PN, Segunda (9/11).

Kona-ba Komparasaun governu ida uluk ho agora, Kalohan hateten, dadauk ne’e nia sei iha Kopia livru orsamentál sira ho nia alokasaun no rezultadu hanesan de’it ho governu atuál.