Tuir nia, pela primeira ves governu hatudu sira nia solidaridade pepsodent, 0,50 sentavus ne'ebe ho folin kiik oan hodi fó ba populasaun.

"Afinál durante ne’e ita nia populasaun la kose nehan, ne'e mak governu fó ne'e," deputada Fernanda Lai kestiona liu husi audiénsia públika Orsamentu Jerál Estadu (OJE) 2021 iha plenária PN, segunda (9/11).

Ho kestaun ne'e, nia dehan, komunidade iha munisipiu Kovalima mós sente triste no lamentavel, tanba sesta bázika ne'e programa ne'ebé halo bosok de’it povu.

Ne'e duni, nia husu governu tenke fó sesta bázika ne'ebé sériu ba povu nia moris, liu-liu oinsa kompleta politika governu nian ba rekoperasaun ekonomika iha rai laran.

Fernanda ko’alia ne’e tanba tuir nia haree katak, oras ne’e daudaun populasun presiza osan ho hahan, maibé la'ós pepsodent kose nehan nian.

“Tuir komumidade Kovalima katak, sesta bazika ne'e programa bosok povu, no horkalan sai iha Grupu Media Nasional (GMN), ne'ebé ha’u atu husu ita boot nia komentáriu. Deskulpa mas Pastadenti kiik oan ne'e, afinal kala durante ne’e ita nia populasun la kose nehan, ne'e mak ita boot ba fó, ne'e ka ?," nia lamenta.

Iha fatin hanesan deputadu bankada Partidu Demokratiku (PD) Antonio da Conceição deklara katak, loloos ne'e politika ida ne'e pertinete tebes atu hala'o iha tempu estadu emerjénsia dahuluk nian, tanba iha momentu ne'eba komunidade barak deskansa iha uma no balun lakon servisu.

Nia mos husu ba governu, tenke halo politika programa sesta bazika ne'e ho loloos atu nune'e populasaun mós bele sente politika ida ne'e husi governu.(*)