“Komisaun Nasionál Administrasaun (CNA) mak hala’o hela tenderizasaun, ne’ebé hein katak iha meadu Maiu nian CNA foti desizaun ona ho kompañia ida para bele rezolve tiha”, tenik Prezidente Parlamentu Nasionál, Arão Noé de Jesus Amaral, iha Parlamentu Nasional, Tersa (23/4).
Nia mos preokupa tebes ba situasaun ne’ebé deoputadu sira enfrenta hanesan uza kareta privadu no balun uza kareta estadu hodi hala’o knaar Parlamentu Nasionál nian ne’e hanesan diskriminasaun ida.
“Aselera prosesu tenderizasaun ne’e para iha tempu badak karreta bele to’o mai hodi deputadu sira utiliza para hala’o knaar hanesan deputadu ida”, Arão subliña.
Entretanto ba kareta tuan sira ne’ebé eis-deputadu terseira legislatura uza ne’ebé seidauk entrega fali ne’e, Parlamentu Nasional haruka ona karta ba Ministériu Públiku hodi hein ba prosesu judisiál.