“Lei orgánika ne’ebé seidauk kompletu ne’e, Ministru Reforma Lejizlativa Asuntu Parlamentár (MRLAP) no Ministru Prezidensia Konsellu Ministru MPKM, sira na'in rua servisu maka’as hela, nune’e iha tempu badak lei orgániku kada ministerial ne’ebé seidauk iha ne’e abele aprova ona para ita servisu bazeia ba lei orgánika foun ne’e”, tenik nia, iha Parlamentu Nasionál, Tersa (23/4).
Sekretáriu Estadu ne’e subliña, lei orgánika ba ministériu sira ladun barak ona, teknikamente mak hanesan Ministériu Administrasaun Estatal, Ministériu Agrikultura, Ministériu Komerisiu Industria no sira seluk tan ne’ebé tenke finaliza.
Entretantu, Deputadu Antoninho Bianco dehan, kuandu Governu foun tenke trata lei orgánika ne’e iha loron atus ida nia-laran para halo kompleitu, mas Governu ne’e besik ona tinan ida, maibé lei orgánika deit seidauk hotu.