Login to your account

Username *
Password *
Remember Me

CNRT: “Polítika Militár Obrigatóriu sei Hamosu Problema”

Uma Fukun Parlamentu Nasional Uma Fukun Parlamentu Nasional Foto Arkivu

Tempotimor (Dili)- Xefe bankada Partidu Congressu Nasionál Rekonstrusaun Timorene (CNRT) Duarte Nunes hateten, Polítika governu nian ba militár obrigatóriu sei hamosu probema.

CNRT konsidera polítika ne’e sei hamosu problema tanba ema ne’e kompleta ona tinan 18 ba leten, sei ba aprezenta aan hotu, tuir dekretu governu ne’e halo ema hotu hakarak tama militar, maibé la konsege akumula ema hotu.

“Kuandu ita dehan militar obrigatóriu, ita tenke iha kapasidade atu akumula ema ne’ebé kompleta ona tinan 18,” Duarte hateten lia hirak ne’e iha PN, Sesta (6/11).

Deputadu ne’e mós afirma, politika ne’e sei mosu problema boot, tanba ema hotu hakarak tama militár, maibé la konsege akumula ema hotu.

“Ha’u haree sei hamosu problema boot, tanba se ita dehan 600 de’it, entaun ita hatene ona ka ema na’in 600 de’it mak obrigatóriu! Sira seluk ne’e laiha kapasidade ka, ema bele reklama, ha’u-nia fíziku di’ak, buat hotu tuir rekezitu, tanba saida mak ha’u laiha kapasidade. Ne’e ita sei hasoru problema, tanba buat ida obrigatóriu ne’e situasaun ida ne’ebé iha implikasaun boot ba kustu. Se ema liu na’in 600, ita atu haruka fila ka adi’a ba tinan oin, maibé tinan oin, ema ne’ebé kompleta tinan 18 mós kontinua aumenta,” nia esplika.

Nia hatutan, bainhira politika ne’e obrigatóriu, ne’e katak ema sei mai hotu nune’e ita labele haruka balun fila tanba ne’e obrigatóriu.

“Nia atu funsionáriu ka baibain ne’e obrigatóriu ba aprezenta aan. Hanesan ami uluk, kuandu tinan to’o ona, aviza mai ne’e tenke ba aprezenta aan iha kuartél jenerál hodi halo inspesaun, depois mak iha ne’ebá foin deside,”Duarte esplika.

Xefe bankada ne’e mós dehan, loloos ne’e dehan voluntáriu, atu ema ne’ebé iha interese mak bele ba, nune’e, ema la to’o, entaun presiza tan ema sira ne’ebé liu ona tinan 20 ba leten.

Alende ne’e, Prezidente bankada PD Mariano Sabino hateten, politika militar obrigatóriu ne’e tenke haree halo didi’ak atu ema ba hatene objetivu klaru husi polítika ne’e.

“Objetivu tenke klaru atu ema hotu bele hatene no labele viola ema-nia direitu no liberdade ba hili. Sasan barak ita tenke kuidadu didi’ak no tenke dehan objetivu diak ba sosiedade ne’e saida. Tanba ita-nia luta ne’e, ita-nia kartus musan mak liberdade, demokrásia, direitu umanu, tanba ne’e kartus musan ne’ebé uluk ita tiru ba inimigu ne’e labele tiru fali ba ita, entaun ida ne’e mós importante atu haree,” Asaanami hateten.

Entretantu, dekretu governu nian ne’ebé Konsellu Ministru (KM) aprova ona iha kuarta (6/11) hateten, obrigatóriu ba juventude sira ne’ebé kompleta ona tinan 18, tenke ba halo resensiamentu hodi tuir selesaun ba militar obrigatóriu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter