Komisaun C Ejize Governu Esplika Ezekusaun millaun $9.7

Plenaria Parlamentu Nasional Plenaria Parlamentu Nasional Foto file

Tempitimor (Dili)- Prezidente Komisaun C Parlamentu Nasional (PN) trata asuntu Finansas, Maria Angelica Rangel ejize governu lihusi Vise Ministra Finansas (MF) interina atu klarifika ezekusaun osan ho montante millaun $.9.7, ho kategoria doasaun iha Orsamentu Jerál Estadu (OJE) 2020.

Tuir nia, iha Orsamentu Jeral Estadu 2020, Ministeriu Finansas prevee orsamentu doasaun ho montante millaun $9.7, ne'e duni nia hare katak, informasaun ne'ebe hato'o husi parte Uniaun Europeia, relatóriu ezekusaun ne'ebé sira iha, orsamentu doasaun ne'e governu foin gasta de’it tokon $7.7.

Ho rezultadu gastu ne'e, nia husu Ministeriu Finansas atu klarifika, millaun $2 ne'e seraké governu atu prevee fali ba iha saldo tezouru no saldo zerensia ka devolve fali ba Uniaun Europeia, nia parte ejize tanba osan ida ne'e sei hela millaun $2.

"Parlamentu Nasionál aprova Orsamentu Jeral Estadu 2020 nian no iha doasaun ne'ebe mak tau iha millaun $9.7 husi tabela dois, no iha seminariu, hau husu ba Rerezentante Uniaun Europeia FMO, katak husi relatoriu ne'ebe mak iha, doasaun ne'e governu gasta millaun $7.7," deputada ne’e koalia, hafoin halo audiénsia Públika ho Ministériu finansas hodi debate OJE 2021 iha PN, sesta (6/11).

Nia konsidera asuntu ne'e hanesan kestaun protukolu tanba ne'e Ministeriu Finansas tenke fó sai katak husi millaun $2 ne'e preve ba ida ne'ebé.

Entretantu Parte Ministeriu Finansas seidauk bele fo resposta, tanba ajenda kona-ba audiénsia públika Orsamentu Jerál Estadu 2021 ne'e adia ba tuku 3 lorokraik.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks