Print this page

Judit: “Nai-Ulun Sira Tenke Tau Matan ba Feto Vulnerável”

By November 06, 2020 953
PPN, Aniceto Guterres, Espoza PR, Cidália Mouzinho inklui eis deputada no atual deputada atual no kovidadus foto hamutuk bainhira partisipa selebrasaun loron nasional feto ba 45 iha Parlamentu nasional Dili, Kinta (5/11). PPN, Aniceto Guterres, Espoza PR, Cidália Mouzinho inklui eis deputada no atual deputada atual no kovidadus foto hamutuk bainhira partisipa selebrasaun loron nasional feto ba 45 iha Parlamentu nasional Dili, Kinta (5/11). Foto Tempo Timor

Tempotimor (Dili) - Eis Prezidenti Grupu Mulheres Parlamentar Timor-Leste (GMPTL) atual ativista feto, Judit dias Ximenes fó xamana atensaun ba na’i-ulun sira atu tau atensaun ba feto vulnerabilidade iha Timor-Leste (TL).

Eis Presidente Board Rede Feto Timor-Leste, Judite Dias Ximenes hateten, iha era Independénsia, Timor-Leste komemora loron nasional feto, atu eleva feto husi emansipasaun, katak, hakarak hasai feto husi nia hela fatin, uma, atu lori sai ba liur, bele asesu ba edukasaun, saúde, ba servisu publiku.

Maibé, Judit akresenta, depois luta ba emansipasaun feto, realidade hatudu katak, iha uma deit mos feto seidauk senti iha seguransa.

Tanba ne'e, eis deputada ne'e apela ba na’i-ulun no ba maun boot sira hotu ne'ebé ukun no la ukun, katak, bainhira iha nasaun soberanu mak iha ema balun sei sai vitima iha nia rai-laran rasik, nasaun nia soberania loloos iha ne'ebé.

"Xamada atensaun, liuliu ba na’i-ulun sira katak, feto vulnerável sira hanesan Rai-kotu la’ós mak ida ne'e deit, maibe sei barak iha fatin bar-barak. Ida ne'e liafuan ida ne'ebé hanesan feto ida ne'ebé mai husi assembleia konstituante, primeiru lejislatura, maibe ohin loron mos hau la hakmatek," Judit dehan ba jornalista sira iha Parlamentu nasional Dili, Kinta (5/11).

Nia husu nafatin ba maun sira ne'ebé mak kaer ukun iha rai ida ne'e, ou maun sira ne'ebé mak la kaer ukun rai ida ne'e, kontinua ativu atu lori estabilidade ba rai ida ne'e, tau matan ba situasaun vulnerabilidade ne'ebé mak familia hasoru, feto, labarik, siginifika nia aman mós hasoru, familia tomak hasoru problema ida ne'e.

Nune'e, Judit husu atu Parlamentu Nasional fó protesaun ba labarik no Inan sira tanba kondisaun saúde hanesan mal-nutrisaun, taxa mortalidade ne'ebé nia númeru kuantinua aumenta iha Timor-Leste.

"Ita hatene katak, situasaun vulnerabilidade ne'ebé mak feto hasoru, mal nutrisaun aas nafatin Inan no Oan sira, mortalidade inan no oan ne'ebé mak aas nafatin," Judit salienta.

Entertantu ohin iha Parlamentu nasional, Grupu Mulheres Parlamentar Timor-Leste (GMPTL) komemora loron nasional feto ba dala-45 ho tema promove partisipasaun feto iha nivel foti desizaun, hodi lidera ba mudansa

inkluziva ne'ebé partisipa husi espoza Prezidenti Repúblika, Cidália Nobre Guterres, PPN Aniceto Guterres inklui deputada sira, diplomata no Sosiedade sivil.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com