Politika zero plástiku ne'e nia haktuir, sei bele halo prevensaun ba plastiku, tanba distribuisaun sesta bázika ba komunidade, iha tendénsia aumenta plástiku, tanba hare husi Item sira ne'ebé sei aloka ba populasun.
Tuir nia, bainhira ema ida simu Item 15, enkuandu husi 15 ne'e mak falun hamutuk iha plastiku, soma ba rihun ida atus lima, ida ne'e presiza plastiku hamutuk miloins 20.
Ne'e duni, atu redús ida ne'e, nia haktuir dadaun ne’e parte SEA halo hela introdusaun konseitu ida, kona-ba uza produtu resiklave sira hanesan bote nomos saku verde sira, tanba kona-ba konseitu ida ne'e foin lalais iha dia 23 setembru Prezidente Republika promulga ona.
Demétrio hato’o lia hirak ne’e ba www.tempotimor.com hafoin partisipa lansamentu sesta bazika ba populasaun iha Suku Sanirin postu Administrativu Balibo, Munisipiu Bobonaro, kinta (5/11).
Relasiona ho distribuisaun bote ne'ebe SEA halo iha implementasun Sesta Bazika ne'e, nia hatutan, to'o ohin loron SEA distribui ona bote besik 5000.
"Ami distribui ona ba iha Metinaru inklui iha munisipiu Bobonaro, suku sanirin, no bainrua mos sei halo iha Suai, ita sei halo mos iha teritoriu tomak," ni dehan.
Nia hatutan, SEA rasik iha ninia ambisaun atu halo rekoilamentu ba produsaun bote, to'o 100.000 ka rihun atus ida resin.
“Bote ne'e rasik sei fó rendimentu direta ba komunidade ne'ebe hanesan produtor bote, sira sei la estraga tali”, nia hatutan.