Login to your account

Username *
Password *
Remember Me

Deskonfia MJ Diskrimina Sertidaun Kazamentu Protestante, Horta: Viola Klara ba K-RDTL

Eis Prezidente Repúblika (PR) José Manuel Ramos Horta no Moderadór IEPTL Carlos Marçal kaer hela tizora hodi tesi fita odamatan igreja nian. Eis Prezidente Repúblika (PR) José Manuel Ramos Horta no Moderadór IEPTL Carlos Marçal kaer hela tizora hodi tesi fita odamatan igreja nian. Foto Tempo Timor

Tempotimor (Same)- Komunidade husi relijiaun minoria iha Timor Leste sente estadu iha nasaun ne'e halo deskriminasaun hasoru sira hodi la rekuinese sertidaun kazamentu ne'ebe fo sai husi igreja Protestante.

Hafoin inagurasaun ba igreja Evanjélika Presbiteriana Timor-Leste, igreja Imanuel Same, Komunidade Protestante, Luis Seixas aprezenta preokupasaun kona-ba aktu husi Ministériu Justisa (MJ) parte notariadu ne'ebe la valoriza sertidaun kazamentu husi igreija Protestante iha okaziaun eis Preizdente da Republika (2007-2012) Dr. Jose Ramos Horta hato'o hela palestra ba sarani sira kona-ba servisu Horta nian durante tinan 24 iha rai liur.

Tuir sarani IEPTL Luis Seixas katak, uluk funu ba libertasaun ita hamutuk to'o timor ukun aan, "tanba saida iha tempu ukun aan diskrimina fali ami?."

"Uluk ita hamutuk funu ba libertasaun Timor-Leste nian, agora fali halo diskriminasaun ba ami, tanba saida ami-nia sertidaun kazamentu iha igreja protestante ne'e parte notariadu la simu ka la fó valór, katak diskrimina ami minoria ne'e, se ami-nia direitu iha rai ida ne'e laiha ona, entaun hasai tiha ami husi Timor para ba fali rai seluk," dehan sarani Luis ne'ebé haneaan mós veteranu ida, hafoin Horta inagura igreja Imanuel Same, Sábadu (30/10).

Nia mós hatutan, demokrásia saida mak implementa iha TL, tanba lei ko'alia buat ida, prátika buat seluk.

"Ami sente diskriminadu tanba kazamentu iha Timor ba protestante sira laiha valór, entaun ha'u husu ba eselénsia sa demokrásia ida mak aplika iha Timor-Leste, tanba ita-nia lei hatete buat seluk, maibé implementasaun buat seluk," dehan sarani ne'e.

Hatán ba preokupasaun ne'e, Horta dehan, sertifikadu ka sertidaun ne'e igreja mak hasai, nune'e igreja Katólika nian bele simu entaun igreja protestante nian no mós Islam nian mós bele simu, tanba sertifikadu ne'e igreja mak fó.

"Ha'u sei hatete ba Ministériu Justisa (MJ) liu-liu notariadu, tanba sira mak atende ida ne'e, se la simu ka la koñese, ne'e violasaun Konstituisaun RDTL klara, tanba TL laiha relijiaun ofesiál, uluk iha Portugues nia tempu mak Katólika relijiaun ofesiál, maibé agora laiha ona," dehan Horta.

Nia mós afirma, relasiona ho preokupasaun sira ne'e," Parlamentu Nasionál (PN) tenke kria lei ida hodi haree liu-liu MJ parte notariadu nian, tanba preokupasaun ne'e foin rona ba dala primeiru."(*)

Rate this item
(0 votes)
Last modified on Saturday, 07 November 2020 16:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter