Posibilidade CNRT-UDT de’it mak Sai Opozisaun ba OJE 2021

Primeiru Ministru VIII Governu Konstitusional, Taur Matan Ruak, hamutuk ho Prezidente Parlamentu Nasional, Dr. Aniceto Guterres, SEKJER FRETILIN, Dr. Mari Alkatiri no Konsilleiru Máximu partidu KHUNTO, Jose Naimori Bukar tuur iha lina oin wainhira retiru plataforma polítika ne’ebé sustenta VIII Governu Konstitusional, iha auditoria ensinu fakuldade enjinaria, UNTL, Hera, Dili iha loron Sexta (30/10) Primeiru Ministru VIII Governu Konstitusional, Taur Matan Ruak, hamutuk ho Prezidente Parlamentu Nasional, Dr. Aniceto Guterres, SEKJER FRETILIN, Dr. Mari Alkatiri no Konsilleiru Máximu partidu KHUNTO, Jose Naimori Bukar tuur iha lina oin wainhira retiru plataforma polítika ne’ebé sustenta VIII Governu Konstitusional, iha auditoria ensinu fakuldade enjinaria, UNTL, Hera, Dili iha loron Sexta (30/10) Foto Suplai

Tempotimor (Dili)- Partidu Congresu Nasionál Rekonstrusaun Timorense (CNRT) ho Uniaun Demokrata Timorense (UDT) de’it mak sei sai opozisaun ba oitavu governu, iha diskusaun Orsamentu Jerál Estadu (OJE) tinan 2021, iha Parlamentu Nasionál (PN).

Ida ne’e justifikadu tanba bankada opozisaun Partidu Demokrátiku (PD), Partidu Unidade Dezenvolvimentu Demokrátiku (PUDD) no Frente Mudansa (FM), partisipa ona iha retiru dalima (V), oitavu governu Konstitusionál nian ne’ebé lidera husi PLP, FRETILIN no KHUNTO iha kampuz Universidade Nasionál Timor Lorosa'e (UNTL), politeknika hera, ho objetivu atu apoia OJE 2021 iha Parlamentu Nasionál.

"Retiru ida ne'e iha aspetu balun ne'ebé interesante, hanesan ohin governu konvida Prezidente Parlamentu Nasionál, bankada sira iha Parlamentu, bankada hirak ne'ebé apoiu governu iha plataforma entendimentu kompostu husi Fretilín, PLP, no Khunto, ho tan bankada sira seluk hanesan observador, ne'ebé ohin marka prezensa iha ne'e mak bankada PD, Frente Mudansa, no PUDD", Ministru Prezidensia Konsellu Ministru Fidelis Leite Magalhães hateten lia hirak ne’e hafoin retiru dalima governu nian iha Kampuz UNTL, politeknika Hera, Sesta (30/10).

Nia dehan, durante sesaun ne'e, konta mos ho lider partidu ne'ebé sira nia partidu fo apoiu plataforma atu mai divulga informasaun no orienta lala'ok politika ruma nasaun no governasaun nian.

"Retiru ida ne'e hanesan halo tiha antes, ne'ebé governu konvida entidades sira hodi fahe hanoin no informasaun aumezmu tempu bolu mos ema hirak ne'ebé sai hanesan espesiálista iha sira nia area, hodi fahe informasaun, nune'e membru governu sira bele prepara an liutan durante mandatu governu nian", nia esplika.

Fidelis mós mensiona katak, prezensa husi Sekretariu Jerál Fretilín hanesan mós kordenador ba iha plataforma ne'e, nomos Naimori hanesan konsileiru masimu ba partidu Khunto, no Primeiru Ministru mak uma na'in no iha reprezentasaun husi partidu nian mak mai hola parte.

Nia informa mós katak, Komprimisiu husi partisipante sira iha konkluzaun ida katak, hotu-hotu iha hakarak ida atu lori dezenvolvimentu ba oin, no dalan atu lori dezenvolvimentu ba oin mak tenke iha Orsamentu Jerál Estadu, entaun kompremetidu atu oinsa ba iha oin, Timor-leste bele iha Orsamentu Jerál Estadu 2021.

Iha fatin hanesan, Sekretariu Jerál partidu Fretilín, Mari Alkatiri esklarese, bankada opozisaun hanesan, PD, PUDD, no Frente Mudansa partisipa iha retiru, tanba atu fo votus afavor ba Orsamentu Jerál Estadu (OJE) ba tinan 2021 nian iha Parlamentu Nasionál.(*)

 

 

Rate this item
(5 votes)
Last modified on Saturday, 31 October 2020 13:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks