Print this page

Horta 'Esplika Planu Paz' Ba Alkatiri

By October 30, 2020 9270
Husi Liman karik ita bele hare, Xanana Gusmao, Dr. Jose Ramos Horta no Mari Alkatiri Husi Liman karik ita bele hare, Xanana Gusmao, Dr. Jose Ramos Horta no Mari Alkatiri Foto suplai

Tempotimor (Dili)- Eis-Prezidente Repúblika José Ramos Horta halo esplikasaun kona-ba planu ba paz ne'ebé  antes ne'e Lider Nasionál Mari Alkatiri kestiona liu husi nia públikasaun iha ninia pagina Facebook.

Tuir Horta, luta iha rezimi militar, la'os uza kilat de'it mak importante, maibé luta mos ho kakutak.

"Realidade mak, primeiru ita kuandu kombatente era militar luta la'os ho kilat de'it, maibé mos ho kakutak, dalaruma kakutak importante liu kilat, kuandu ita halo diplomasia luta ho kakutak",dehan José Ramos Horta iha Faroll, kinta (29/10).

Tanba, atu haree estratezia oinsa bele avansa ita nia kazu no atu hamenus mos vitima ba funu.

"Ne'e mak planu da paz CNRM nian, maibé rezimi Suharto la simu, tanba sa mak Suharto la simu, tanba Ali Alatas rasik hasoru hau iha Novayorke iha 1994 no ONU mak organiza, i Ali Alatas hatete nune'e, o nia planu da paz ne'e hanesan ponte ida atu haksoit ba independensia",Nia haktuir/

Entaun, rezimi Suharto nunka simu, tanba haree planu da paz ne'e, hatete nafatin kuandu halo planu ida la'os retorika, maibé prinsipiu.

"Ita buka sukat buat hotu-hotu, inimigu nia hanoin no analiza komunidade internasional, haree ita bele manan liutan, unidade",Horta dehan.

Tuir Horta, Suharto la'os ema ne'ebé beik ten, sira haree planu da paz ne'e, rezeita tanba, prepara no haksoit ba independensia.

"Planu da paz ne'e, la'os segredu, hau ko'alia iha premiu novel da paz tinan lubuk nia laran iha 1992, 1993, 1994, 1995, se mak hakarak haree ba de'it google, ne'e fasil haree",Nia haktuir

"Hau ema ida besik 70 anus ona, lakohi tama fali debate nune'e ho lider seluk, se imi hakarak ba husu esklaresimentu realidade mak ida ne'e, Indonesia nunka aseita planu da paz ne'e, tanba Indonesia rasik Ali Alatas hatete, ne'e hanesan ponte ida haksoit ba independensia",Nia salienta.

"Hau la tama iha ataka malu, hau bele la konkorda ho lider ida ne'e ka ida neeba, la konkorda depois kestaun prinsipiu, maibé hau la ataka",Nia hatutan.

Tanba, iha servisu barak atu halo hodi buka kontribui nafatin ba rai ida ne'e.

"Nu'udár Eis-Prezidente Repúblika halo tinan lubuk ida nia laran, no kontinua nafatin ba mundu", Horta afirma.

Parte Horta, halo konferensia joom lor-loron kuaze ho nasaun hotu-hotu iha mundu hanesan, Japaun, Amerika, Afrika do Sul, Brazil, Alemana, Espana, Finlandia no Correia do Sul.

"Ida ne'e mak hau halo, hau laiha partidu buka apoiu buat ne'ebé dadaun Maun Xanana halo iha tempu Covid, konvida hau tuir", nia relata.

Antes ne'e, iha loron 28 fulan Outubru tinan 2010, lider nasionál Mari Alkatiri lansa deklarasaun kona-ba planu ba paz iha pagina Facebook.

"Hahaha. Gaba malu ba. XG tama Cipinang, RH buka dalan atu manan Nobel da Paz. Sira rua apresenta Plano de Paz aseita Autonomia ba tinan 10 renovável iha 1993/94. Ramos-Horta ho ida ne'e manan Nobel da Paz iha 1996. Maka Suharto aseita karik Plano de Paz CNRM nian, hau fiar nia mos sei simu Nobel da Paz. Ne'e maka akontese karik, oras ne'e XG bele sai Gubernur TIM-TIM no RH servisu hela iha ONU hanesa Comissario ba buat ruma. Ita hotu tenki buka halo estudu komparativu ho processo Palestina nian. Sira rua agora apoia malu atu kontinua bosok povu. Sira maka ukun nafatin TL Povu sei moris nafatin ho esmola deit. Lakohi rekuñese sala, tabele ba malu atu bosok nafatin povu", Estatus Alkatiri iha Facebook. (*)

Rate this item
(2 votes)
Last modified on Monday, 02 November 2020 07:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items