“Agora daudaun, membru kooperativa NEHEK aumenta ona ba 125, kompostu husi mane na’in 85 no feto ema na'in 40, sira nia kapitál finanseira ho montante $100.000”, Sabino Ramos hateten ba jornalista sira iha suku Maununo, Tersa (27/10).
Nia esplika, Kooperativa NEHEK harii iha tinan 2013 ho de'it kapitál finanseira hamutuk $500, ho membru ema na'in 20, iha suku Maununo, postu administrativu Ainaro Villa, munisípiu Ainaro.
Sabino hatutan, durante tinan 2013 atividade Kooperativa NEHEK mak hanesan kréditu liu-liu rai osan no emprésta osan ho deit $500.
“Nune'e nia la'o iha 2013 até agora, osan ne'e atinje ona ba $100.000 ne'ebé mak agora la'ó hela”, Prezidente Kooperativa haktuir.
Durante atividade la'o to'o tinan 2018, Kooperativa NEHEK komesa habelar tan no forma tan ona nia grupu iha suku sira ho totál 10, ne'ebé sai hanesan sira nia mehi hodi eziste to'o ohin loron.
