Projetu dekretu governu ne'e aprezenta husi Ministru Asuntu Kombatente Libertasaun Nasionál, Júlio Sarmento da Costa 'Meta Mali'.
"Projetu Dekretu governu nian hetan ona aprovasaun. Ne’e atu loke dalan ba Ministériu Asuntu Kombatente Libertasaun Nasionál bele implementa programa fó apoiu finanseiru ba kombatente veteranu libertasaun nasionál, dezmobiliza husi sira ne'ebé ninia kontribuisaun tinan 24", Fidelis hateten, hafoin reuniaun KM iha palasiu governu, kuarta (28/10).
Nia esplika, husi apoiu finanseiru rihun $40 kada ema ne'e, sei ajuda hodi hari veteran nia uma ho abitasaun kondigna.
"Projetu governu ne'e, fiksa apoiu finanseiru ho valór rihun $40, sei atribui ba kombatente veteranu libertasaun nasionál, ne'ebé dezmobiliza husi tinan 20 to'o 24 luta nian ne'ebé seidauk iha abitasaun kondigna ida no adekuadu", nia esplika.