Estudante TL Kestiona Boa Fe USA Mas PM Taur Fiar TL sei Hetan Previléjiu iha Novaiorke Featured

Dili (Tempo Timor) - Arendentu rai ba Embaixada Estadus Unidus Amerika (EUA) ne'ebé hetan previléjiu husi Estadu Timor-Leste, Primeiru Ministru fiar Timor mos sei sei hetan previléjiu.

"Espera katak embaixada sira ne'ebé iha ita-nia rai ne'e hetan previléjiu, ita mós iha sira nia-rai hetan previléjiu", tenik PM Taur Matan Ruak, iha Palásiu Prezidensiál Bairru-Pité, Tersa (16/4).

Nia dehan, buat hotu sei lori tempu para ajusta, maibe relasaun Timor-Leste ho nasaun sira ne'ebé iha Timor di'ak tebes.

Tuir informasaun ne’ebe sirkula dehan mosu diferensa entre Governu Timor-Leste ho Estadus Unidas Amerika relasiona ho presu no tempu ba rai ne’ebe amerikanu sira ezije atu aluga.

Iha parte seluk, timoroan sira haree governu Amerika halo negosiasaun la ho boa fé.

“Se Amérika ne’e iha boa fé entaun sira presiza aloka rai ida hanesan mos ita-nia governu fo ba sira aluga ne’e hodi bele halo ita nia embaixada iha Washington ho Novaiorke, la’os sira mai ezije boot husi ita mas amerika hatudu ma fé ba ita,” dehan Octávio S. X. Da Costa, finalista husi universitariu ida iha Dili.

Nia kestiona maka’as desizaun Governu Timor-Leste hodi fo rai estratejiku ba halo embaixada sira inklui Amerika, ne'ebé obriga fo aluga rai boot iha tasi ibun maibe sira lá iha vontade diak ajuda Timor-Leste atu hetan espasu hodi serbisu iha Misaun Permanente Timor-Leste ba Organizasaun Nasoins Unidas (ONU), iha Novaiorke.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com