Print this page

Deputadu Joaquim: Presiza Konsensu Hodi Rezolve Lei Poder Lokál 

By October 22, 2020 2043
Xefe Komisaun A Parlamentu Nasional, Joaquim dos Santos ko'alia ba Jornalista sira iha resintu PN Xefe Komisaun A Parlamentu Nasional, Joaquim dos Santos ko'alia ba Jornalista sira iha resintu PN Foto File

Tempotimor (Dili)-Tuir  planu iha tinan 2021, Komisaun  A Parlamentu Nasional (PN) trata asuntu justisa no konstituisaun, sei rezolve projetu lei poder lokal ne'ebé hetan veta husi Prezidente Repúblika (PR) Francisco Guteres 'Lú Olo'.

Prezidente Komisaun A deputadu Joaquim do Santos hatete, mekanismu ba  rezolve lei poder lokál ne'e presiza konsensu no rona malu, nune'e tinan 2021, projetu lei ne'e bele finaliza.

"lei poder lokál ne'e, se ita konsege rona malu no  konsensu, hau hanoin iha 2021 nia laran ne'e ita bele rezolve hotu ona problema ida ne'e  ,"dehan deputadu Joaquin iha Parlamentu Nasional (PN) kinta (22/10).

Nia hatutan, dadauk komisaun iha hela faze preparasaun kuandu Orsamentu jeral estadu (OJE) 2021 aprova ona, maka komisaun A sei hahu desloka ba iha Suai atu loke audensia ho parte governu, sosiedade sivil inklui komunidade hodi debate lei poder lokál.

Nia dehan  audensia projetu lei poder lokál ne'e komisaun mos sei hein governu atu aprezenta mos proposta ruma kona-bá finasiamentu poder lokál.

"Ne'ebe orsamentu 2021 kuandu tama ne'e, ita mos prepara hela kondisaun ba deskuti, aprova pakote poder lokal, para munisipiu sira ne'ebe iha ona kondisaun sira bele halo eleisaun ba sira nia prezidente autoridade,"dehan nia.

Entretantu molok ne'e, nia dehan Komisaun A iha ona ajenda ida kona-ba lei podér ne’e maibé ida ne'e sei ajenda Iha janeiru no fevereiru 2021, hodi hahú diskute tanba lei ne’e uluk Prezidente Repúblika veta entaun deputadu sira foti fali hodi halo inisiativa foun.

Nia Parte defende, lei podér lokál ne’e presiza iha duni nune’e podér ne’e bele to’o iha baze tanba dezenvolvimentu hosi nasionál de’it la la’o.

Tanba ne'e dadauk iha ona lei tolu, lei poder lokal, lei finansiamentu ba munisipal, inklui lei ba eleisaun munisipal.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items