Ministru Prezidénsia Konsellu Ministru, Fidelis Leite Magalhães relata, ho estensaun Estadu Emerjénsia ba dahitu ne'e, atu evita moras Covid-19, iha Timor-Leste.
"Konsellu Ministrus hala’o sorumutu, delibera atu propoin ba Sua Excelénsia, Señor Prezidente Repúblika, Francisco Guterres Lú Olo, ba renovasaun Estadu Emerjénsia, ba loron tolunulu", dehan Fidelis, liu hosi konferénsia imprensa, hafoin remata reuniaun Konsellu Ministru, iha Palásiu Governu, kuarta (21/10).
Governu nia pedidu ba Prezidente Repúblika, atu estende tan Estadu Emerjénsia ne'e, ho razaun, hodi atende ba evolusaun preokupante sira, hosi situasaun epidemiolójika no proliferasaun ba kazu rejistadu, hosi kontájiu COVID-19, iha nível rejionál no mós nível mundiál, atu evita no neutraliza risku sira, hisi propagasaun SARS-CoV-2.
Nune’e liu hosi EE ne'e, bele proteje saúde públika no iha kbiit atu hatán ba sistema Nasionál Saúde, tanbá ne'e, Governu propoin ba Señor Prezidente Repúblika, liu hosi estensaun no deklarasaun kona-bá Estadu Emerjénsia ne'e, permite atu suspende ka restrinje direitu sira kona-bá sirkulasaun internasionál, sirkulasaun no fiksasaun rezidénsia no rezisténsia. (*)