Geronimo hatete, parte husi governu ne'e, enfelizmente so hala'o ezukusaun ba orsamentu, maibé desizaun ne'e tenke mai husi Parlamentu Nasionál.

Nia hatutan, se karik deputadu iha konkluzaun hakarak aumenta tan programa prioridade sira iha Orsamentu Jerál Estadu (OJE) 2021 mos governu prontu kumpre, tanba ida ne'e kompetensia PN nian.

"Se karik sira (deputadu) sente ida ne'e prioridade, desizaun ikus iha Parlamentu Nasionál nia liman, tanba governu agora ne'e haruka mai tiha ona parlamentu, ne'ebé agora sira mak desidi de'it,"Dehan nia iha Parlamentu Nasional, segunda (19/10).

Maiske nune'e, deputadu barak mak levanta kestaun kona-bá, bee-moos estrada, elektrisidade inklui eduksaun, maibé nia parte, lakohi fo komentariu detallu kona-ba prioridade ka lae, maibé desizaun iha deputadu sira.

Tuir nia, liga ho proposta Orsamentu Jerál Estadu (OJE) tinan 2021 ne'ebé governu submete ba Parlamentu Nasionál (PN), se karik parte PN hakarak aumenta mos governu prontu. (*)