Vise MF: Fulan Novembru Ezekusaun OJE 2020 Bele La'o Normal Ona

By Tempo Timor October 19, 2020 1404

font size decrease font size increase font size
Print
Email

Vise MF, Sara Lobo ko'alia ba Jornalista sira hafoin sorumutuk ho PM Taur Matan Ruak iha palasiu Govrnu Dili, Segunda Feirra (19/10) Foto Tempo Timor

Tempotimor (Dili)-Orsamentu Jerál Estadu (OJE) ba tinan 2020 dadaun hein Prezidente Repúblika promulga, nune'e tama fulan Novembru ezekusaun bele la'o normal ona.

Vise ministra Finansas Sara Lobo Brites dehan, kuandu Orsamentu Jerál Estadu OJE tinan 2020, promulga ona, estadu Timor-leste sei la la'o tan ona ho Dotasaun Orsamental Temporaria (DOT).

"Orsamentu 2020, Ministériu Finansas prepara hotu kedas ona ninia sistema par DOT, iha de'it fulan outubru, kuandu Prezidente Repúblika promulga, Novembru ita tama kedas ona iha ezekusaun normal",dehan Sara Lobo hafoin reuniaun semanal ho Primeiru Ministru Taur Matan Ruak iha palasiu, Segunda (19/10).

Tanba, Orsamentu Jerál Estadu ba tinan 2020 aprova ona, agora Prezidente Repúblika promulga, otomatikamente Dotasaun Orsamental Temporaria (DOT) labele kontinua.

Entertantu, Orsamentu Jerál Estadu (OJE) tinan 2020 ne'ebé sei hein promulgasaun husi Prezidente Repúblika ho montante $1.4 billoes.

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com