Tanba ne'e, tuir planu, iha loron kuarta (21/10) parte loroaik, Primeiru Ministru Taur Matan Ruak halo enkontru ho membru governu sira, atu halo prevensaun diak liu tan, antes ba debate Orsamentu Jerál Estadu (OJE) 2021 iha Parlamentu Nasionál.
"Primeiru Ministru mos fo orientasaun sei iha enkontru kuarta feira agora loraik, depois de Konsellu Ministru, sei iha enkontru ho ministru sira hotu ho Primeiru Ministru par bele halo aprezentasaun kona-ba orsamentu ne'ebé tinan ne'e, ita aprezenta orsamentu pur programas, ideia ne'e, Primeiru Ministru hakarak membru governu sira intende estrutura orsamentu ne'ebé foin lalais aprezenta ba Parlamentu",Dehan Vice Ministra Finansas Sara Lobo Brites, hafoin reuniaun ho PM Taur iha palasiu governu, segunda (19/10).
Nune'e, gvernante ne'e mos dehan, ohin enkontru ho Primeiru Ministru Taur Matan Ruak, apdate preparasaun livru orsamentu tinan 2021 nian.
"Ohin enkontru semanal ho Primeiru Ministru, atu apdate kona-ba progresu preparasaun livru orsamentu, tekniku sira servisu iha durante fin de semana, finansas ho UPMA (Unidade Planeamentu Monitorizasaun Avaliasaun), servisu hamutuk par bele apresa hodi entrega ba Parlamentu molok fulan remata, ami promete, duas semana purtantu fin de outubru ita sei entrega",Nia relata
Kona-ba preparasaun debate 2021 ninian, iha mudansa estrutura orsamentu pur programas, nune'e Ministru sira tenke hapar diak informasaun sira ne'ebé tau iha proposta Lei ho mos livru orsamentais, Ministru sira tenke intende diak, atu halo esplikasaun ho diak iha Parlamentu Nasionál.
"Iha mos orientasaun husi Primeiru Ministru, aban ba Parlamentu plenaria kona-ba estalizasaun ekonomika ne'e, Ministériu Finansas hamutuk ho Ministériu ne'ebé relevante hanesan, MSSI, Saúde, MKAE nomos akompaña husi Ministru Prezidensia Konsellu Ministru, depois ikus liu, sei iha retiru dala ita tan ho membru governu sira iha dia 30 Outubru", Nia dehan
Entertantu, Orsamentu Jerál Estadu (OJE) ba tinan 2021 ne'ebé aprova ona iha Konsellu Ministru ho montante $1.895 billoes.